Qazaqstan terıtorıasynyń basym bóligi antısıklonnyń yqpalynda bolady, jaýyn-shashynsyz aýa raıy saqtalady, tek batysta atmosferalyq fronttardyń ótýine baılanysty keı jerlerde ótkinshi jańbyr jaýyp, naızaǵaı bolady dep habarlaıdy Qamshy.kz aqparat agenttigi Kazgıdrometke silteme jasap.  

Elimizdiń keı jerlerinde jel kúsheıedi, batysta jáne ońtústik shańdy daýylmen jel soǵady.

Jambyl oblysynda kúndiz, Ońtústik Qazaqstan, Mańǵystaý, Aqtóbe, Shyǵys Qazaqstan oblystarynyń keı jerlerinde jel 15-20 m/s kúsheıedi. Qyzylorda oblysynda, kúndiz Atyraý oblysynyń keı jerlerinde jel shańdy daýylmen 15-20 m/s kúsheıedi.

Qyzylorda, Ońtústik Qazaqstan, Almaty, Atyraý, Aqtóbe oblystarynda kúndiz, Jambyl, Batys Qazaqstan, Qaraǵandy, Qostanaı, Mańǵystaý oblystarynyń keı jerlerinde, Qostanaı, Qaraǵandy, Shyǵys Qazaqstan oblystarynyń keı jerlerinde qatty ystyq aýa raıy kútiledi.

Aqtóbe, Atyraý, Qyzylorda oblystarynda, Ońtústik Qazaqstan, Jambyl, Almaty, Shyǵys Qazaqstan, Qostanaı, Qaraǵandy, Aqmola oblystarynyń keı jerlerinde óte joǵary órt qaýpi saqtalady.