Lıvıanyń jaǵajaı kúzeti Jerorta teńizinde 450-den astam bosqyndy ólimnen qutqaryp qaldy dep habarlaıdy Qamshy.kz aqparat agenttigi sheteldik BAQ-qa silteme jasap.
Bosqyndar qatarynda Egıpet, Marokko jáne Týnıs elderiniń azamattary bolǵan. Resmı Trıpolı Italıa úkimetinen 2011 jyly Mýamar Kadafıdi bılikten taıdyrtqannan keıin adamdardy zańsyz tasymaldaýmen birlese kúresýdi suraǵan bolatyn.
Halyqaralyq kóshi-qon uıymynyń deregi boıynsha, Eýropa qurlyǵyna teńiz arqyly qonys aýdarýǵa májbúr bolǵan bosqyndardyń sany búginde 111 myńnan asqan. Olardyń 85 paıyzy Italıaǵa qonys tepken. Al Jerorta teńizin kesip ótpekshi bolǵan 2 myń 360 adam Eýropaǵa jetpeı qaza bolǵan.
Pikir qaldyrý