Nú-Iorktegi Reseıdiń bas elshisi Sergeı Ovsánnıkovtyń aıtýynsha, jaqyn arada reseı-amerıka qarym-qatynasynda ońtaıly ózgerister bola qoımaıdy. Alaıda, qandaı jaǵdaı bolmasyn reseılik dıplomattar ózideriniń jumystaryn jalǵastyrýy qajet, dep habarlaıdy Qamshy.kz aqparat agenttigi Rıa novostı saıtyna silteme jasap.

«Reseı-amerıkalyq qarym-qatynastarǵa baılanysty qandaı da bir boljam aıtý qıyn. AQSH tarapynan oń kózqarastar týyndap, rýsofobıa toqtaıtyn bolar degen úmittemiz. Amerıkalyqtardyń ózderi barlyq jaǵdaıdy túsinip, artqa sheginýleri qajet. Dál qazirgi kezde bolyp jatqan oqıǵalar, aıtylyp jatqan sózder, kongreste oryn alyp jatqan jaǵdaılar men amerıkalyq saıasatkerlerdiń pikirlerine súıenip aıtar bolsaq, jaqyn arada reseı-amerıka qarym-qatynasynda ońtaıly ózgerister bolady dep aıta almaımyn. Alaıda, qandaı jaǵdaı bolmasyn, reseılik dıplomattar óz jumystaryn jalǵastyrýy qajet», - deıdi Ovsánnıkov «Komsomolskaıa pravda» gazetine bergen suhbatynda.

Aıta keter bolsaq, Máskeý Reseıdegi AQSH dıpmıssıa qyzmetkerleriniń sanyn 755 adamǵa deıin qysqartýǵa sheshim shyǵarǵan bolatyn. SİM málimetine sáıkes, osylaı Reseı bıligi AQSH-tyń Reseıge qarsy salynǵan sanksıalarǵa jaýap bergen.

Óz kezeginde, AQSH 23 tamyzdan bastap búkil Reseıge nımıgrasıondy vıza berýin toqtatqan bolatyn.