Chıng-Kýo Vý Qazaqstan álemdik boksta aldyńǵy qatarda ekenin atap ótti. 

Halyqaralyq áýesqoı boks qaýymdastyǵynyń (AIBA) prezıdenti Chıng-Kýo Vý Qazaqstandyq boks federasıasynyń baspasóz qyzmetine bergen suhbatynda qazaqstandyq boksshylardyń Gambýrgtegi álem chempıonatynda kórsetken ónerine baǵasyn berdi, – dep habarlaıdy Qamshy.kz aqparat agenttigi  Vesti.kz-ke silteme berip. Qazaqstan jarysqa barlyq salmaqtaǵy boksshylaryn attandyrǵan azdaǵan elderdiń qatarynda ekenin aıta keteıik.

"Eki aı buryn ǵana Búkilálemdik boks serıasy WSB fınalynda boldym. Bul jarys Qazaqstannyń týrnırlerdi eń joǵary deńgeıde ótkize alatynyna taǵy bir dálel boldy. Sizdiń boksshylaryńyz jaýynger jáne óte sheber. Qazaqstandyqtar týrnır medaldaryna ábden qol jetkize alady. Komandalaryńyz myqty jáne on salmaq boıynsha da boksshylardy attandyrypsyzdar", – deıdi Vý.

Sonymen qatar, Chıng-Kýo Vý Halyqaralyq olımpıada komıtetiniń áıelder judyryqtasatyn salmaq dárejeleriniń sanyn arttyrý týraly usynys jasaýy, erlerdiń salmaq dárejeleriniń sanyna esh áser etpeıtinin aıtty. AIBA basshysy Qazaqstandaǵy bokstyń damýyna qatysty da óz oıyn aıta ketti.

"Qazaqstan álemdik boksta únemi aldyńǵy qatarda. Tımýr Qulybaev – qazaqstandyq sportqa jaqsy basshy. Onyń osy orynǵa kelýimen bokstyń damýy arta tústi. Eger osy qalyptan taımasańyzdar úlken jarystarda júldeli oryndardan qur qalmaısyzdar degen oıdamyn", – dep aıaqtady ol.