Aýyl sharýashylyǵyna qatysty bıznesti aýyl túgili, qalada da sheber ıgerýge bolady. Shymkenttegi Bozaryq eldimekeninde qora-qora túıe baǵylatyn sharýa qojalyǵy bar. Bekjan Júnisbekov baptaǵan oısylqara tóliniń sútine búginde suranys joǵary. Shubat kóp dertke shıpaly em, nárli sýsyn ekenin bylaıǵy jurt jaqsy biledi. Halyq qazir «Emdik qasıeti mol» dep, órkeshti janýardyń zárin de surap keletin bolǵan, dep habarlaıdy Qamshy.kz aqparat agenttigi Qazaqstan-SHymkent arnasyna silteme jasap. 

Shaǵyn atyrapta shaǵyn bıznestiń bastalǵanyna nebary 3 aı. Soǵan qaramastan, munda tań jıegi sógilmeı kelýshilerdiń qatary qalyń...

Ia, dál osy túıe sútiniń dámin tatý úshin jergilikti turǵyndar munda tańǵy 6-dan bastap kezekke turady. Kóptegen aýrýlarǵa myńnan bir em bolǵan bul sýsynnyń ult saýlyǵy úshin paıdasy mol. Ári sýsyn, ári tamaq. Ǵalymdardyń paıymynsha, shubattyń ulttyq brendke aınalýy da ǵajap emes. Qymyrandy joǵary tehnologıamen óńdeý el ekonomıkasyna da kóp septigin tızigedi dep kútilýde. 

SÁÝLE RAHMANOVA – SAÝYNSH"Tańerteń 5 jarymnan 6-ǵa deıin saýylady. Túste 1 jarymnan 2-ge deıin, keshke 7 jarymnan 8-ge deıin saýylady. Kúnine 1 túıeden 5 lıtrge deıin sút alynady. Túıeniń sútine suranys óte kóp, emdik qasıeti de mol", - dep aıtady saýynshy Sáýle Rahmanova.

Shubattyń kómegimen  qaterli isik, Alsgeımer derti, sary aýrý, joǵary tynys joldary  aýrýyna shaldyqqandar aıaǵyna nyq turǵan. Munda kelýshiler de  boıǵa erekshe kúsh-qýat bitip,  aǵzasynda jeńildikti baıqaı bastaǵan.  Zat almasýy da  jaqsara túsken.

Shymkent qalasynyń turǵyny Aqjarqyn Baıdýllaqyzy buǵan qatysty bylaı dep pikir bildirdi: "15 kúndeı boldy. Baýyrym aýyrady. Kúıeýimniń ókpesine sýyq tıgen. Sonyń bárine iship jatyrmyz. Allaǵa shúkir, jaman emes. Bul kisilerge myń alǵys aıtamyz. Osynshama halyqty qamtyp, 80-90 adamdaı iship jatyrmyz. Barlyǵy jaqsy, taza ýslovıalary. Odnorazovvyı stakandarmen beredi.

Bozaryq eldimekeniniń turǵyny Hantóre Qasymbekov bylaı deıdi: "Men kúnde tańǵy" saǵat 6-dan bastap túıeniń zárin, odan keıin sútin iship, em qabyldap jatyrmyn. Birneshe kún boldy, densaýlyǵym da durys bolyp qaldy. Kóptegen aýrýlar mazalaıtyn edi, sonyń bári qoıdy. Basqalarǵa da em bolsyn! Kelip, túıeniń sútin ishýge keńes beremin. "

Qyzjibek apa qant dıabetine shaldyqqan. Búıregi de syr bergen. Estimegen elde kóp... 1 aı kóleminde... túıeniń zárin iship, jeńe bastady. Dertine daýa tapqan Paıǵambar jasyndaǵy keıýananyń kásip ıelerine aıtar alǵysy sheksiz.

"10 jyl boldy qant dıabetimen aýyrǵanyma. Estip, osynda keldik. 10 kúndeı em qabyldadym. Emi 40 kúndeı eken. Túnde óte kóp dalaǵa shyǵýshy edim, qazir ondaı joq. Sharshańqyraıtynmyn, uıyqtaı beretinmin, jatyp qalyp. Qazir boıym sergek, óte jaqsy sezinemin ózimdi", - deıdi emdelýshi Qyzjibek Baımanasova.

El alǵysyn arqalaǵan erdiń bolashaqqa jospary mol. Qazir tutynýshylar úshin 20 oryndyq jatyn bólmesin saılaǵan.  

"Búgingi tańda qala turǵyndary osynda kelip, em qabyldap jatyr, Bozaryq eldimekeninde ashqanbyz. Baýyry aýyratyndar, A, V, S gepatıtine shaldyqqandar, rak aýrýyna ushyraǵandar 40 kúnde jazylyp, emdelip ketti. 00:03:43 Ákimshilik tarapynan qandaı da bolsa bir qoldaý kórsetilse, osy maldy kóbeıtip, 50 basqa deıin jetkizý josparda bar", - deıdi jeke kásipker Bekjan Júnisbekov.

Jeke sharýa qojalyǵy  dert dendegenniń de, jumys izdegenniń de suranysyn qanaǵattandyryp otyr.  Munda 5 adam jumyspen qamtylǵan.  Biri  tańerteńnen túıeni turǵyzyp,  árqaısysynan 1 lıtrden zár jınaıdy. Onysy... ót joldarynyń qabynýyna, asqazanǵa paıdaly bilem.    Kelesi jumysshy túlikti  qunarly shóp,  shıpaly tikenge aparyp jaıady.  Aıdap kelip,  saýady. Al, shubattyń baby, elge qyzmettiń qamy – keıingi mamandarda.