Jeńilip kórmegen qazaqstandyq boksshy Gennadıı Golovkın (37-0, 33 KO) kásipqoı rıngte áli qansha ýaqyt judyryqtasatyny týraly aıtty, dep habarlaıdy Qamshy.kz aqparat agenttigi Vesti.kz saıtyna silteme jasap.

"Men ózimdi jaqsy sezinip júrmin, jasyma saı. 25 pen 35 arasynda úlken aıyrmashylyq sezgenim joq. Burynǵysynsha kúnde jattyǵamyn, bári baıaǵy qalpynda. Sparrıngter de sondaı, jyldamdyq ta, kúsh te. On jyl burynǵy qalpymdamyn, 35-te bolsam da, ózimdi 25 jastaǵydaı sezinemin. Jan dúnıem "Kanelodan" da jas bolar".

Múmkin, 40 jasyma taman qoıarmyn. Áli bes jylym bar. Ár kún ózinshe qıyn jáne qaýipti. Ázirshe jaǵdaıym jaqsy. Otbasym men komandam meni qoldap keledi. Maǵan yńǵaıly. Sondyqtan áli bes jyl judyryqtasatyn shyǵarmyn", – dep keltiredi boksshynyń sózin Boxingnews24.com.

Munyń aldyndaǵy suhbattardyń birinde Golovkın "Kanelomen" jekpe-jekten keıin bokstan ketýi múmkin ekenin aıtqan.

Alaıda qazaqstandyqtyń bapkeri Abel Sanchestiń sózinshe, Golovkınniń sózin burmalap jibergen, buǵan bir jaǵynan onyń aǵylshyn tilindegi aksenti de sebep.

Golovkın kásipqoı rıngke alǵash 2006 jyly shyǵyp, 37 jekpe-jeginiń barlyǵynda jeńiske jetken, onyń 33 kezdesýi nokaýtpen aıaqtalǵan. Osy kórsetkishteriniń arqasynda Golovkın orta salmaqtaǵy eń myqty nokaýtshy retinde Gınness rekordtar kitabyna endi.