17 jastaǵy jas jetkinshek búkil álem boıynsha adamdardyń óz-ózine qol jumsaý prosesin uıymdastyrmaq bolǵan. Ol qurǵan halyqaralyq uıym músheleri barlyǵy bir kúnde ózderine qol jumsaýǵa mindetti boldy dep habarlaıdy Qamshy.kz aqparat agenttigi Life.ru saıtyna silteme jasap.
Baskonıa polısıasy 17 jastaǵy balanyń uıymdastyrǵan adam shoshyrlyq áreketiniń aldyn aldy. Ol áleýmettik jeli arqyly top ashyp, onda tirkelgen adamdardy bir kúnde ózderine qol jumsaýǵa mindettegen. Argentınalyq jas jetkinshektiń oıynsha, bul oqıǵa 17 tamyz kúni oryn alýy tıis eken.
Tergeý jumystary áli kúnge deıin jalǵasyp jatqandyqtan jas jetkinshektiń quryǵyna ilikkenderdiń sany men olardyń ulty ázirge qupıa túrde saqtalady. Atalmysh top álemde keńinen taralǵan «Kók kıt» oıynyna óte uqsas.
Tek bir ǵana aıyrmashylyǵy – jappaı óz-ózine qol jumsaýdy uıymdastyrǵan jetkinshek óziniń sońynan ileskenderge kún saıyn bir tapsyrma berip otyryp, ólimge aqyryndap alyp kelmegen. 17 jastaǵy jasóspirim bir kúnde barlyǵy birge ózderin óltirýine mindettegen.
Argentına Federaldy polısıa qyzmetkerleri balanyń San-Hosta ornalasqan úıinen ótkir pyshaq pen qan sińip qalǵan mata tapqan. Sonymen qatar ol balanyń psıhıkalyq aýytqýshylyǵy bar ekendigi belgili boldy.
