Búgin elordadaǵy №80 mektep-gımnazıada alǵashqy qońyraý soǵylyp, saltanatty sharaǵa elimizdiń Bilim jáne ǵylym mınıstri Erlan Saǵadıev qatysty dep habarlaıdy Qamshy.kz aqparat agenttigi QazAqparatqa silteme jasaı otyryp.

«Qurmetti ustazdar, balalar, ata-analar! Barshańyzdy búgingi Bilim merekesi – alǵashqy qońyraýmen, jańa oqý jylynyń bastalýymen shyn júrekten quttyqtaımyn. Balalarymyzǵa úzdik oqýshylar bolyp, sapaly bilim, joǵary deńgeıde tálim-tárbıe alyp, keleshekte úlken ómirdiń barlyq joldary ashylsyn! Al ata-analardyń armandary oryndalsyn!» – dedi saltanatty sharada sóz sóılegen mınıstr.

Sonymen qatar ol bıylǵy oqý jylynyń ereksheliginiń biri – úlken ózgeristerdiń bolmaýynda ekendigin aıtty.

«Eń mańyzdy máseleler boıynsha sheshimder byltyrǵy oqý jylynda qabyldanǵan bolatyn. Endi sol jumystardy odan ary jalǵastyratyn bolamyz. Jumystar qıyn emes, muǵalimder daıyn. Oqýlyqtardy jetkizdik. Biz ony kún saıyn tekserip otyrmyz», – dedi  Erlan Saǵadıev.

Aıta keteıik, №80 mektep-gımnazıa 2015-2016 oqý jylynyń 11 qyrkúıeginde ashylǵan bolatyn. Mektep 1 100  oqýshyǵa arnalǵan. Qazirgi ýaqytta 1 380 bala bilim alýda. Bilim ordasy 1 aýysymmen jumys isteıdi. Oqý jospary memlekettik jalpy mindetti standartqa sáıkes qurylǵan.