Qyrkúıek aıynyń basynda jyly aýa raıy saqtalǵanymen, elimizdiń batysynda jáne ońtústik-shyǵysynda aýa raıy jańbyrly bolady dep habarlaıdy Qamshy.kz  aqparat agenttigi Qazgıdrometke silteme dasaı otyryp.

Aldyn ala boljamǵa sáıkes, kelesi aptada sýyq aýa massasynyń kelýimen Qazaqstannyń barlyq aýmaqtarynda naızaǵaı kúrkirep, jańbyr jaýyp, aýa temperatýrasy birte-birte tómendeıdi dep kútilýde.

Qyrkúıektiń 4-7 kúnderi batysta túnde 12-20 gradýs jyly, kúndiz 20-28 gradýsqa deıin jyly bolsa, 6-8 qyrkúıek aralyǵynda elimizdiń soltústiginde jáne ortalyǵynda, 8-10 qyrkúıekte shyǵysta túnde 7-15 gradýs jyly, al kúndiz 17-25 gradýsqa deıin jyly bolady.

6-8 qyrkúıek aralyǵynda ońtústikte túnde 12-20 gradýs jyly, kúndiz 22-30 gradýsqa deıin jyly, al 8-10 qyrkúıek aralyǵynda ońtústik-shyǵysta túnde 10-18 gradýs jyly, al kúndiz 20-28 gradýsqa deıin jyly bolmaq.

Ortalyq Azıa aımaqtarynan jyly aýa massasynyń kelýimen aýa temperatýrasy qaıtadan birte-birte joǵarylaıdy: soltústiktiń keıbir bóliginde kúndiz 22-30 gradýsqa deıin jyly, ońtústiktiń keı bóliginde kúndiz 27-35 gradýsqa deıin jyly bolady. Aldyn ala boljam boıynsha, qarqyndy salqyn tolqyndary aıdyń úshinshi onkúndiginde kútilip otyr. Elimizdiń soltústiginde jáne shyǵysynda jańbyr jaýyp, arty sýly qarǵa aınalýy múmkin. Aýa temperatýrasy tómendeıdi: soltústiktiń keı aýdandarynda túnde 3 gradýs aıaz jáne +5 gradýs arasynda, al kúndiz 7-15 gradýs jyly bolady. Al ońtústiktiń jarty bóliginde túnde 2-10 gradýs jyly, kúndiz 17-22 gradýs jyly bolady.