Almatydaǵy «Adem» saýda ortalyǵynda órt shyqty, dep habarlaıdy Qamshy.kz aqparat agenttigi qalalyq TJD baspasóz qyzmetine silteme jasaı otyryp.
Almaty qalasy boıynsha Tótenshe jaǵdaılar departamentiniń 101 púltine «Adem» saýda ortalyǵynda órt shyqqany týraly habar saǵat 10.11-de túsken.
TJD baspasóz qyzmetiniń habarlamasynda, órt sóndirýshilerdiń alǵashqy legi jeti mınýttan keıin saǵat 10.18-de barǵany kórsetilgen.
«Órt «Adem»saýda ortalyǵynyń shatyryndaǵy laktalyp, boıalǵan buıymdardan shyqqany anyqtaldy. 10.27-de órt aýyzdyqtalyp, 10.29-da tolyǵymen sóndirildi. Jalyn sharpyǵan aýmaq - 5 sharshy metr», - delingen habarlamada. Órtten japa shekkender joq.
