Ózin táńirshilmin dep aıtatyn qazaqstandyq Toqtar Abyz qurban aıt týraly óziniń taǵy bir pikirin bildirdi. Bul joly Toqtar Abyz  Qurban aıt merekesi  evreı ultynyń meıramy dep málimdedi dep habarlaıdy Qamshy.kz aqparat agenttigi.

«Avram qartaıǵan shaǵynda jalǵyz uly  dúnıege keledi. Atyn Isaak dep qoıady. Avram ulynyń ósip kele jatqanyna qatty  qýanady. Bir kúni Alla taǵala «súıikti ulyńdy alyp men aıtqan jer bar»,-  dep buıyrady. Avram Alla taǵalanyń bergen buırynǵy boıynsha ulyn alyp aıtqan jerge barady. Sonda Alla taǵala jalǵyz  ulyńdy men úshin qurbandyqqa shal dep buıryq beredi. Isaakty qurbandyqqa shalaıyn dep jatqanda perishte kelip «Avram balańyzdy qurbandyqqa shalmańyz. Siz qudaıdan qorqady ekensiz»,- dep aıtady  Avram buny estip balasyn emes qoıdy qurbandyqqa shalady». Osyǵan súıene otyryp Toqtar Abyz bylaı degen bolatyn.

«Avram evreı ultynan shyqqan. Avram balasy Isaakty  qurbandyqqa shalaıyn degen kezinde balasy aman qalǵan bolatyn. Qýanysh evreıdiki. Jylda jasalatyn mereke solardiki bolý kerek. Baıqap qarasańyzdar dál osy  ıslamnyń qolynda bar Quran  kitabyndaı kitap, Bıblá İnjil basqalardyń da  qolynda otyr. Ol kitaptardyń ishinde dál osy oqıǵa jazylǵan, biraq hrıstıandyqtar, katolıkter  Isaak aman qaldy dep eshteńe soımaıdy. Onda nege biz Isaaktyń qýanyshyna arnap qurbandyq shalý kerekpiz.  Aman qalǵan basqa halyqtyń túb atasy. Túsine almaımyn. Túsingim de kelmeıdi. Aqıqatynda  myńǵyrǵan qoıyn, sıyryn, túıesin soıyp tastap, musylmandardyń bárin shaqyryp, búkil álemdi shaqyryp, arab halqy atap ótý kerek. Nege arabtar  jasamaıdy? Nege álemge jasatyp qoıdy, onyń ishinde qazaqqa topyrlatyp mol soıǵyzyp, mereke jasatyp qoıdy. Qazaq oılandy ma? Óziniń ata-babalaryna mereıtoıyna mal jına dese, jylap júrip jınaıdy. Al Isaaktyń aman qalǵan qýanyshyna qazaq dúrkiretip toı jasaıdy. Eshnársesin aıap jatqan joq. Túsinbeımin»- dedi Toqtar Abyz.