Imanǵalı Tasmaǵambetovtiń qyzy Ásel Tasmaǵambetova Almaty qalasy, Naýryzbaı aýdanyndaǵy Aqjar aýylynda mektep ashty dep habarlaıdy Qamshy.kz aqparat agenttigi.
Bul týraly otandyq kásipker Beıbit Álibekov óziniń Instagram paraqshasynda jazǵan bolatyn.
«Osyndaı tamasha merekede dosym Ásel men onyń «Sábı» qory Aqjar aýylynyń 1200 balasynyń armanyn oryndady. Memleketten bir tıyn almaı, ol 1200 balaǵa aýmaǵy 11 625 sharshy metr, 10 bloktan turatyn mektep- gımnazıasyn turǵyzdy. Ásel men dostary mektepti aýyldyń barlyq turǵyndaryna arnaıdy jáne Ákimdik balansyna ótkizedi. Ásel bizdiń balalarymyz úshin zamanýı mektep turǵyzamyn dep barlyq proseske basa mán berdi»,- dep jazdy ol.
«Sondaı-aq, Ásel óz halqynyń naǵyz qyzy. Osyndaı adamdar kóp bolsa, bizge 100 mektep me emhana degen baǵdarlamalar statýsy kerek emes. Olardyń barlyǵy jınaǵan dúnıelerin ózderimen alyp ketpeıtinin túsinedi jáne sol úshin bar kúshterin salýda. Bul mysal kópshilikke úlgi bolsyn!», - dep jazdy Beıbit Álibekov.
Aıta ketsek, Ásel Imanǵalıqyzy buǵan deıin de Aqtóbede jetim balalarǵa arnap úı salyp bergen edi.
Sondaı-aq, ol ótken jyly Almatyda Ortalyq Azıa ekologıalyq zertteýler ınstıtýtynyń jańa ǵımaratyn bastaǵan bolatyn.
Bul ınstıtýt qorshaǵan ortany qorǵaý salasynda qyzmet kórsetip, jumys isteı alatyndyǵy týraly lısenzıany 2012 jyly 16 qazanda Qorshaǵan ortany qorǵaý mınıstrliginen alǵan. Iaǵnı, resmı túrde 2012 jyly tirkelgen. «Ortalyq Azıa ekologıalyq zertteýler ınstıtýty» JSHS-nyń quryltaıshysy - Imanǵalı Tasmaǵambetovtiń úlken qyzy - Ásel Tasmaǵambetova.
Ásel Tasmaǵambetova - Qazaqstandaǵy tanymal kásipker, Keńes Raqyshevtiń áıeli, bıliktegi asa yqpaldy tulǵa Imanǵalı Tasmaǵambetovtiń úlken qyzy. Eki uly bar. «Sábı» jekemenshik qaıyrymdylyq qory» arqyly qaıyrymdylyqpen aınalysady. Bul qor - jetim balalarǵa, densaýlyǵynda aıtarlyqtaı kemistigi bar sábılerge, sondaı-múmkindigi shekteýli azamattarǵa kómek beretin uıym. Ásel Tasmaǵambetova «Ortalyq Azıa ekologıalyq zertteýler ınstıtýty» JSHS men «Telli Kazakhstan» kompanıasynyń resmı ıesi. «Telli Kazakhstan» kompanıasy sulýlyq pen densaýlyqqa arnalǵan «lúks» klasty bıo-býtıkter jelisi. Ásel Tasmaǵambetovanyń sýretshi sińilisi (Sofá Tasmaǵambetova) jáne baýyry (Nursultan Tasmaǵambetov) bar.
