Búgin Ulttyq arnadan «Men qazaqpyn» halyqaralyq megajobasy kórsetiledi dep jazady Qamshy.kz.

Bul joba tek osy telearna ǵana emes, búkil el kópten kútken óner dodasy. Sebebi «Men qazaqpyn» jobasynyń maqsaty atadan balaǵa mura bolyp kele jatqan tól ónerimiz dástúrli án-kúı,  termelerdi odan ári damytyp, búgingi kún talabyna saı túrlendire otyryp, óskeleń urpaqqa nasıhattaý bolyp tabylady. Sondyqtan, tárbıelik máni zor jobany qolǵa alyp, «Qazaqstan» arnasy ony iske asyra bastady. Búgin saǵat 20:50 de «Men qazaqpyn» halyqaralyq megajobasynyń birinshi kórsetilimi bolady. Efırden alystamańyzdar!

Aıta ketsek, Jobanyń maqsaty – dástúrli ánshi, termeshi, kúıshilerdi, elimizdiń ár aımaǵynda qalyptasqan óner mektebiniń ókilderin keńinen dáripteý, tańdaýly týyndylardy óskeleń urpaqqa zamanýı formatta nasıhattaý.

Baıqaýǵa Reseı, QHR jáne Mońǵolıadaǵy qazaq ónerpazdary qatysýǵa múmkindik aldy. Joba aıasynda óńirlerdiń án-kúıimen qatar, tarıhı-mádenı eskertkishteri, murajaılary, el ishindegi ónerpazdar men qolóner sheberleri týraly túsirilim jasalyp, ár oblystyń jetistigi keńinen kórsetiledi.

Baıqaýlar qorytyndysy boıynsha Táýelsizdik kúni qarsańynda elordada gala-konsert uıymdastyrylatyn bolady.

Eske salsaq, Aqparat jáne Komýnıkasıalar mınıstri Dáýren Abaev atalǵan jobaǵa qoldaý bilidirip, «Men jobanyń qymbat bolǵanyn qalaımyn. Eger múmkindik bolyp jatsa, demeýshilerdi tartýǵa bolady. Men «Qazaqstan» ulttyq telekorporasıasynyń osy jobany tolyqtaı alyp shyǵatynyna senimdimin», - degen edi.