EKSPO-2017 Halyqaralyq mamandandyrylǵan kórme aıasynda Gvatemala Respýblıkasynyń Ulttyq kúni atap ótildi dep habarlaıdy Qamshy.kz aqparat agenttigi.
Gvatemala Latyn Amerıka aýmaǵyndaǵy memleketter arasynda elektr energıa óndirisi ortalyǵy bolyp tabylady. Bul týraly is-shara barysynda Syrtqy ister mınıstrliginiń kópjaqty jáne ekonomıkalyq halyqaralyq qatynas jónindegi Bas dırektordyń orynbasary Karlos Kazalı málimdedi. Onyń aıtýynsha, EKSPO-2017 kórmesi halyqtarǵa «Bolashaq energıasyn» óndirý jáne damytý úshin shyǵarmashylyq jáne ınovasıalyq tujyrymdamalaryn qoldanýǵa tamasha múmkindik beredi.
«Gvatemala - jańartylatyn energıa kózderin damytý ıdeıalary men jobalaryn kórsetý arqyly Astanadaǵy kórmeniń taqyrybyn damytýǵa úles qosatyn elderdiń biri. Tabıǵı resýrstardyń alýan túrliligi arqasynda, Gvatemalanyń EKSPO-2017 kórmesine qatysýy bizdiń energetıkalyq salaǵa tikeleı sheteldik ınvestısıalardy tartýǵa múmkindikter berdi. Kórshiles elderdi, sondaı-aq búkil sý elektr stansıalardy sýmen qamtamasyz etetin negizgi resýrs – memlekettegi ózender. Gvatemalanyń Tynyq muhıty jaǵalaýyndaǵy aımaqta qant quraǵy plantasıalary ornalasqan, olar sonymen qatar, bıomassa energıasyn óndirý resýrstardyń biri bolyp tabylady», - atap ótti Karlos Kazalı.
Qazaqstan Respýblıkasy Densaýlyq saqtaý vıse-mınıstri Alekseı Soı óz kezeginde Kórmeniń taqyryby kezdeısoq tańdalmaǵandyǵyn, «Bolashaq energıasy» Qazaqstannyń 2050 jylǵa qaraı jańartylatyn energıa kózderine kóshý maqsatyn kórsetetinin habarlady.
«Qazaqstan Gvatemalamen saıası, ekonomıkalyq, ǵylymı, tehnologıalyq jáne mádenı, sondaı-aq balamaly energıa kózderi salasynda yntymaqtastyqty nyǵaıtýǵa múddeli. Gvatemala Respýblıkasynyń Ulttyq kúni eki memleket arasynda ózara tıimdi eki jaqty qatynasty nyǵaıtýǵa jańa múmkindikter beretinine kámil senemin», - dep qorytyndylady Densaýlyq vıse-mınıstri.
Jańartaýymen tanymal Gvatemala energıanyń 61% jańartylatyn energıa kózderinen óndiredi. Memleket energıasynyń basym bóligin sý energetıkasy quraıdy. Energıanyń 57% úlesi sý elektr stansıalarynda alynady. Sonymen qatar, elde kún, jel energıasy men bıomassa óndiriledi.
EKSPO-2017 kórmesiniń Latyn Amerıka plazasynda 8 memleket usynylǵan, onyń ishinde Gvatemala Respýblıkasy erekshe oryndy alady. Pavılon ekspozısıalary kórme kelýshilerin memlekettegi jańa tehnologıalarymen, sondaı-aq Latyn Amerıka eliniń mádenıeti jáne tarıhymen tanystyrady.
