AQSH-ta 12 myńǵa jýyq oqýshy bilim kúnin óz mektepterinde bastaı almady dep habarlaıdy Qamshy.kz aqparat agenttigi sheteldik BAQ-qa silteme berip. Óıtkeni eldiń ońtústik óńirlerinde oryn alǵan «Harvı» daýyly birneshe bilim oshaǵyn qıratyp ketken. Reıter agenttiginiń habarlaýynsha, endi apatty jaǵdaıda qalǵan nysandar qaıta qalpyna kelgenshe, oqýshylar ýaqytsha basqa mektepterde bilim alady.
Al alǵashqy qońyraý 11 qyrkúıekte soǵylady. Biraq bılik ókilderi «bul data da áli ózgerýi múmkin» dep otyr.
Aıta keteıik, AQSH jurtynyń esin shyǵarǵan nóser jaýyn men «Harvı» daýyly kesirinen 44 adam qaza tapty. Taǵy myńdaǵan adamnyń úıi qırap, ýaqytsha baspanalarǵa kóshken.
