Astana qalasyndaǵy «Saryarqa» velotreginde Qanat Islam - Brendon Kýk jekpe-jegi aıasyndaǵy boks keshi jalǵasyp jatyr, dep jazady Qamshy.kz.
10 raýndtan turatyn tórtinshi jekpe-jekke 20 boksynda 18 jeńisiniń 7-sin nokaýt jasaǵan amerıkalyq Tomas Djastın Berıl men qandasymyz Álı Ahmedov shyqty.
Barlyq raýndtarda jerlesimiz qarsylasynan basym tústi. Álı Ahmedov 6 raýndta qarsylasyn 2 ret qulatty. Tomas ta qanshama soqqy alǵanyna qaramastan óziniń osal emes ekenin kórsetti.
Saǵatbek Musaqanovtyń shákirti Álı Ahmedov Almaty obylysy Boraldaı aýylynyń shákirti. 2016 jyly Dýshanbede Azıa chempıony atanǵan. Ol jaqynda ǵana AQSH-tyń buǵan deıin jeńilmegen Kertıs Hılldy jeńip, AQSH-tyń Ostın qalasynda jastar arasyndaǵy WBC tujyrymy boıynsha álem chempıony atanǵan edi. Eske salsaq, ol ótken jyly 29 qazanda Almatyda ótken tórtinshi jekpe-jeginde qarsylasyn tehnıkalyq nokaýtpen jeńdi. Álı Ázirbaıjandyq qarsylasyn esh qıyndyqsyz sulatyp salǵan bolatyn.
Aıta ketetin bolsaq, keshtiń alǵashqy jekpe-jegin Meıirim Nursultanov pen brazılıalyq Ismael Býeno bastap, kásipqoı rıngte 3 jekpe-jek ótkizip, ekeýin jeńispen aıaqtaǵan jerlesimiz alǵashqy sekýndtarda-aq, qarsylasyn tyqsyryp tastady.
Ekinshi bolyp sharshy alańǵa kótergen Dımash Nıazov Edýardo Pereıra dos Reıshpen qolǵap túıistirip, qarsylasyn tóreshilerdiń bergen baǵasy boıynsha 2:1 upaı sanymen jeńdi.
Úshinshi bolyp sharshy alańǵa Aıdos Erbosynuly men Argentınalyq qarsylasy shyǵa sala qýalap júrip sabady.
Anons bere ketsek, Qyrkúıek aıynda búgingi kúnnen bólek qazaqstandyq jankúıerlerdi 16 qyrkúıektegi Golovkın men Alvares arasyndaǵy taǵy bir jekpe-jek kútip tur. Búgin ekinshi ret áke atanǵan 35 jastaǵy Golovkın aldaǵy jekpe-jeginde WBC, WBA (Super), IBF jáne IBO tıtýldaryn qorǵaıdy.
AQSH-tyń Las-Vegas qalasyndaǵy 20 myń oryndyq T-Mobile arenasynda 16 qyrkúıek kúni ótetin boks keshtiń basty oqıǵasy bolmaq. Jekpe-jek Astana ýaqytymen 17 qyrkúıek, ıaǵnı jeksenbiniń tańynda ótedi. Golovkın – Alvares boks keshin translásıalaýǵa quqyq alǵan Qazaqstan men QazSport telearnalary tikeleı efırde kórsetedi. Sondaı-aq, Atalǵan boks 130 elde kórsetiledi.
