QR bilim jáne ǵylym mınıstri Erlan Saǵadıev álipbıdiń jobasy nelikten talqylanǵanyn jáne úkimettegilerdiń qoǵamnan qandaı pikir kútetinderin aıtyp berdi, dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Bul máseleni tolyǵyraq talqylaýǵa áli ýaqyt bar. Sarapshylar birneshe nusqany qarastyryp, osyny tańdady. Sizderge osy nusqa unady ma? Maǵan 25 áripten turatyn álipbı unaıdy. Endi azamattarymyz óz oılaryn aıtsyn nemese naqty bir usynystary bolsa usynsyn, aıtsyn. Sol úshin de osy álipbı máselesi talqyǵa salynyp otyr", - dedi bilim jáne ǵylym mınıstri Erlan Saǵadıev.

Eske salaıyq, keshe, 11 qyrkúıekte QR Parlament Májilisinde "Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly" tyńdaý ótken edi. Sol tyńdaýda Sh.Shaıahmetov atyndaǵy tilderdi damytýdyń respýblıkalyq koordınasıalyq-ádistemelik ortalyǵynyń dırektory, fılologıa ǵylymdarynyń doktory Erbol Tileshov qazaq álipbıiniń jańa nusqasyn usynǵan bolatyn. Onyń aıtýynsha, jańa nusqada 25 árip bolady.