Qazaq tiliniń álipbıin daıyndaýda birneshe nusqa qarastyrylǵan, biraq 25 áripten turatyn álipbı tańdaldy, endi ol qoǵamnyń talqylaýyna usynylady, dep habarlady Qazaqstannyń Bilim jáne ǵylym mınıstri Erlan Saǵadıev. Bul týraly Qamshy.kz aqparat agenttigi jazady.

"Anyq-qanyǵyna deıin talqylaýǵa ýaqyt bar. Sarapshylar birneshe nusqany qarastyryp, osyny tańdady. Maǵan 25 áripti nusqa unaıdy. Endi azamattar óz pikirin aıtsyn. Naqty usynystar bolsa, aıtylýy tıis. Sol úshin álipbı qoǵamnyń talqylaýyna berildi", — deıdi Saǵadıev. 

Aıta ketelik, dúısenbi kúni májiliste qazaq tiline arnalǵan latyn álipbıiń biryńǵaı standartyn engizý máselesine arnalǵan parlamenttik tyńdaý ótti. 

Usynylǵan jańa álipbı 25 áripten turady, dep habarlady Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń dırektory Erbol Tileshov.

Qazaq tiliniń keı dybystary eki áriptiń qosyndysy –dıgraftarmen beriletin bolady. Tileshovtyń aıtýynsha, usynylǵan álipbı qazaq tiliniń búkil dybystaryn tańbaǵa túsire alady.