Qysqa merzimdi ekonomıkalyq ındıkator 2017 jylǵy qańtar-tamyzda 2016 jylǵy qańtar-tamyzǵa qaraǵanda 105,8% qurdy dep habarlaıdy Qamshy.kz aqparat agenttigi QR Ulttyq ekonomıka mınıstrliginiń baspasóz qyzmetine silteme jasap. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JİÓ-ń 60%-n asa quraıtyn aýyl sharýashylyǵy, ónerkásip, qurylys, saýda, kólik jáne baılanys sıaqty negizgi salalar boıynsha shyǵarylym ındeksteriniń ózgerýine negizdeledi.

2017 jylǵy qańtar-tamyzda negizgi kapıtalǵa salynǵan ınvestısıalar kólemi 4802,1 mlrd. teńgeni qurdy, bul 2016 jylǵy qańtar-tamyzǵa qaraǵanda 3,4% artyq.

2017 jylǵy qańtar-tamyzda ónerkásip óndirisiniń kólemi qoldanystaǵy baǵalarda 14184,5 mlrd. teńgeni qurdy, bul 2016 jylǵy qańtar-tamyzǵa qaraǵanda 8,5% ósti. Ken óndirý ónerkásibinde jáne karerlerdi qazýda óndiris kólemi 11,3%, óńdeý ónerkásibinde - 6,1%, elektrmen jabdyqtaý, gaz, bý berý jáne aýa baptaýda - 5,2% artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris kólemi 0,2% tómendedi.

2017 jylǵy qańtar-tamyzda aýyl sharýashylyǵy jalpy óniminiń kólemi 1614,9 mlrd. teńgeni qurap, 2016 jylǵy qańtar-tamyzǵa qaraǵanda 1,9% artty.

2017 jylǵy qańtar-tamyzdaǵy «Kólik» salasy boıynsha naqty kólem ındeksi 104,7%-dy qurdy.

2017 jylǵy qańtar-tamyzda júk aınalymynyń kólemi 353,9 mlrd. tkm (komersıalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2016 jylǵy qańtar-tamyzben salystyrǵanda 8,1% artty. Jolaýshylar aınalymynyń kólemi 176,7 mlrd. jkm qurap, 3,3% artty.

2017 jylǵy qańtar-tamyzdaǵy «Baılanys» salasy boıynsha naqty kólem ındeksi 102,9%-dy qurdy.

2017 jylǵy qańtar-tamyzdaǵy «Saýda» salasy boıynsha naqty kólem ındeksi 102,9%-dy qurdy.

2017 jylǵy qańtar-tamyzda bólshek saýda kólemi 5480,3 mlrd. teńgeni nemese 2016 jyldyń tıisti kezeń deńgeıimen salystyrǵanda 106,3% qurady (salystyrmaly baǵada).

2017 jylǵy qańtar-tamyzda kóterme saýda kólemi 11784,5 mlrd. teńgeni nemese 2016 jyldyń tıisti kezeń deńgeıimen salystyrǵanda 101,3% qurady (salystyrmaly baǵada).

2017 jylǵy qańtar-shildede syrtqy saýda aınalymy 42901,4 mln. AQSH dollaryn qurap, 2016 jylǵy qańtar-shildemen salystyrǵanda 29,2% artty, sonyń ishinde eksport – 26939,1 mln. AQSH dollaryn (35,3% kóp), ımport – 15962,3 mln. AQSH dollaryn qurady (20,1% kóp).

2017 jylǵy 1 qyrkúıektegi jaǵdaı boıynsha tirkelgen zańdy tulǵalardyń sany 402975 birlikti qurap, ótken jylǵy sáıkes kezeńmen salystyrǵanda 7,2% artty, onyń ishinde 100 adamnan kem qyzmetkerleri bar – 394117 birlik. Jumys istep turǵan zańdy tulǵalardyń sany 249231 qurady, onyń ishinde 240867 birlik shaǵyn kásiporyndar (100 adamnan kem).

Tutyný baǵasynyń ındeksi 2017 jylǵy tamyzda 2016 jylǵy jeltoqsanmen salystyrǵanda 103,9% qurady. Azyq-túlik taýarlarǵa baǵalar – 3,6%, azyq-túlik emes taýarlarǵa – 4,2%, halyqqa arnalǵan aqyly kórsetiletin qyzmetterge – 4% ósti. Ónerkásip ónimderine óndirýshi kásiporyndar baǵasy 2017 jylǵy tamyzda 2016 jylǵy jeltoqsanmen salystyrǵanda – 5,6% joǵarylady.

Áleýmettik sektor

2017 jylǵy shildede halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 77272 teńgeni qurady, bul 2016 jylǵy shildege qaraǵanda 3,5% joǵary, al naqty aqshalaı tabys kórsetilgen kezeńde 3,4% tómendedi.

2017 jylǵy tamyzda bir qyzmetkerdiń ortasha aılyq ataýly jalaqysy baǵalaý boıynsha 148160 teńgeni qurady.

2017 jylǵy tamyzda jumyssyzdar sany baǵalaý boıynsha 437 myń adamdy qurady. Jumyssyzdyq deńgeıi jumys kúshi sanyna 4,9% qurady. Jumyspen qamtý organdarynda jumyssyzdar retinde tirkelgender sany 2017 jylǵy tamyzdyn sońyna 143,8 myń adamdy qurady nemese jumys kúshine 1,6%.