B.Tólegenovanyń IX halyqaralyq vokalıster konkýrsynyń jeńimpazy anyqtaldy dep habarlaıdy Qamshy.kz aqparat  agenttigi.

Astana qalasynda EKSPO-2017 kórmesiniń mádenı baǵdarlama aıasynda ótken Bıbigúl Tólegenovanyń IX halyqaralyq vokalıster konkýrsy aıaqtaldy. Bıyl klasıkalyq án saıysyna 36 ónerpaz qatysyp, baqtaryn synady. Al olardyń arasynan Mońǵolıadan kelgen Batjargal Baıarsaıhan úzdik shyǵyp, Gran-prıdi ıelendi.

İrikteý jáne aqtyq kezeń 2017 jyldyń qyrkúıektiń 5-i men 10-y aralyǵynda Qazaqstan Respýblıkasy Qarýly kúshteriniń Ulttyq áskerı-patrıottyq ortalyǵynda ótken bolatyn. Al 10 qyrkúıek kúni «Qazaqstan» ortalyq konsert zalynda jeńimpazdardy marapattaý saltanaty men gala-konsert boldy.

Konkýrs jeńimpazy Batjargal Baıarsaıhan: «Buǵan deıin basqa án dodalaryna qatysqanmyn. Al, Bıbigúl Tólegenova vokalısteriniń konkýrsy erekshe ótti. Qazylar alqasy talapshyl, ádil ári janashyr. Mońǵolıada Bıbigúl Tólegenovany halyq jaqsy biledi. Konkýrs uıymdastyrýshylaryna alǵysymdy aıtamyn. Elime barǵan soń jastarǵa osy baıqaýǵa qatysýǵa keńes beretin bolamyn», - deıdi.

Konkýrstyń jabylý sharasynda Bıbigúl Tólegenova jeńimpazdardy quttyqtap, olardyń óneri men ómirine aq jol tiledi. Talantty eńbekpen, izdenispen ushtastyrýǵa shaqyrdy. Bıyl konkýrstyń qazylar alqasynyń músheliginde osy konkýrstyń ár jyldardaǵy jeńimpazdary atanǵan opera ánshileri otyrdy.

«Jastarmen jumys istegen óte qyzyq. Bıyl Armenıa, Bolgarıa, Reseı, Ózbekstan, Mońǵolıa, Qazaqstan qalalarynan ónerpazdar qatysty. 42 qatysýshy ótinish jiberip, sonyń 36-sy keldi. 14 adam aqtyq synǵa shyǵyp, orkestrdiń súıemeldeýimen óner kórsetti. Jastardyń ónerge degen qyzyǵýshylyǵy, umtylysy erekshe», - deıdi konkýrs úılestirýshisi Qarlyǵash Ábdikarımova.  

Sonymen qatar III oryndy Abdýlmanova Alfıa,Ábildın Qudaıbergen, Qazaqstan, Baqytjan Sultan, Qazaqstan, al II oryndy Aısına Dıana, Reseı elinen, Shpekpaeva Elmıra men Qanatbek Aıbek elimizdiń atynan qatysty. Bajbeýk - Melıkán Sargıs, Armenıadan, Rasylhan Shyńǵys Qazaqstannan, Pıazov Aqylbek Ózbekstannan kelip I oryndy ıelendi

Eske sala keteıik, konkýrsqa 1985 jyly 1 qazannan erte emes jáne 1998 jyly 1 qazannan kesh emes týylǵan ánshi qyz-jigitter qatysty. Konkýrstyq synaq irikteý jáne aqtyq kezeńderinen turdy. Barlyq tyńdaýlar kópshilik aldynda ótkiziledi. Halyqaralyq vokalıster konkýrsy jastarymyzdyń nazaryn klasıkalyq jáne halyq mýzykasyna tartýdy maqsat etti. Óner kórsetý tártibi jerebe tastaý arqyly anyqtalyp, konkýrs sońyna deıin saqtaldy. Konkýrsqa qatysýshylardyń ónerin bedeldi ári kásibı qazylar alqasy baǵalady. Qazylar tóraǵasy – KSRO halyq artısi, Sosıalısik eńbek eri, KSRO jáne Qazaqstannyń Memlekettik syılyq laýreaty, akademık Bıbigúl Tólegenova. Konkýrstyń negizgi uıymdastyrýshysy – Qazaqstan Respýblıkasynyń Mádenıet jáne sport mınıstrligi, sondaı-aq, «Mıras» Mádenıettiń qoǵamdyq ulttyq qory» Qoǵamdyq qory.