EKSPO-2017 kórmesindegi halyqaralyq pavılondardyń demontajy 2017 jyldyń 15 jeltoqsanyna deıin aıaqtalady, dep habarlaıdy Qamshy.kz aqparat agenttigi EKSPO-2017 kórmesiniń medıa-ortalyǵyna silteme jasap.

2017 jylǵy 11 qyrkúıek pen 15 jeltoqsan aralyǵynda EKSPO-2017 Halyqaralyq mamandandyrylǵan kórme aýmaǵyndaǵy halyqaralyq pavılondardyń demontajy júrgiziledi. Qatysýshy memleketter Kórme uıymdastyrýshylaryna pavılondardy bastapqy túrde tapsyrý maqsatynda eksponattardy shyǵaryp, ishki qurylys qurylymdar demontajyn, sondaı-aq tazalaý men jóndeý jumystaryn júrgizýi qajet.

Atalǵan proses 15 jeltoqsanǵa deıin aıaqtalýy tıis.

Sáýlet departamenti men Halyqaralyq qatysýshylarmen jumys atqarý departamenti demontaj prosesine baqylaý júrgizedi.

Kórmeniń basty nysany «Nur Álem» sferasy bolashaq murajaıy retinde qyzmetin jalǵastyrady.

115 memleket pen 22 halyqaralyq uıymdar qatysqan «Astana «EKSPO-2017» Halyqaralyq mamandandyrylǵan kórmesi 10 qyrkúıekte aıaqtalǵanyn eske salamyz.

Aldyn ala boljam boıynsha 2 mln. kelýshiler kútilgen, alaıda kelýshilerdiń jalpy sany 3 977 545 qurady.