Amerıkada kásibin dóńgeletip otyrǵan aýqatty azamat Qazaqstannyń bas qalasynda turýdy armandaıdy, dep habarlaıdy Qamshy.kz aqparat agenttigi Habar 24 arnasyna silteme jasap. 

Manhettendegi Rokfeller ortalyǵyndaǵy keńse, sáýletti úı, dáýletti ómir. Biraq  Devıd Valera úshin munyń eshqaısysy Astanadaǵy jaǵymdy ahýaldy almastyra almaıdy.

Ol EKSPO kórmesi kezinde elimizde eki aı bolyp, ábden baýyr basqanǵa uqsaıdy. AQSH-qa oralǵanymen, qazaq dalasyn jadynan shyǵara alar emes. Kún saıyn Astanaǵa qaıta barýdy armandaıdy. Tipti Qazaqstannyń órkendeýine qarjy salýǵa nıetti. Onyń ishinde otandyq medısınany damytýǵa arnalǵan birneshe jobany júzege asyrý jospary da bar. Osylaısha qazaqstandyqtardyń densaýlyǵyn nyǵaıtýǵa úlesimdi qosqym keledi deıdi amerıkalyq bıznesmen.

«Buǵan deıin Astanada bolǵanmyn. Biraq osy jolǵy sezim múlde bólek. Jańa áýejaı, ondaǵy túrli tilde saıraǵan jastar. Barlyǵy óte joǵary deńgeıde. Polısıa qyzmetkerleri de jyly shyraı tanytyp, kómek berýge árdaıym daıyn ekenin kórsetti. Al EKSPO-ǵa kelgende Qazaqstannyń pavlony eń úzdigi edi. Shynydan jasalǵan shar kórmeniń «Bolashaqtyń energıasy» degen taqyrybyn asha túskendeı boldy. Alǵan ásmerimdi birden áleýmettik jelide jarıaladym», - deıdi amerıkalyq kásipker Devıd M.Valera.