Irak soty Reseı azamatyn DAISH ekstremıstik tobyna qatysy bar degen aıyppen ólim jazasyna kesti, dep jazady Qamshy.kz aqparat agenttigi. Jergilikti bıliktiń habarlaýynsha, Reseı týmasy 12 qyrkúıekte Mosýl qalasyndaǵy operasıa barysynda tutqyndaldy.

Irak bıliginiń málimdeýinshe, esimi atalmaǵan er adam 2015 jyldan beri bılik kúshine qarsy kúresip kelgen, sondaı-aq ólim jazasyn kesilgen alǵashqy Reseıden shyqqan jaýynger.

France-Presse aqparat agenttiginiń málimetine súıensek, 28 jastaǵy sottalýshy Máskeýde júrip ıslam dinin qabyldaǵan. Irakkqa kelgende ózin Ábý Iasmına ál-Rýsı dep atady.

Mosýldy azat etý operasıasy barysynda DAISH-tyń  100-ge jýyq jaýyngeri ustaldy. Budan bólek, Irak bıligi búginde 1400-ge jýyq sheteldik áıelder men balalardy ustap otyr.