Kýágerler búgin Shyǵys Qazaqstan oblysynyń Osınovskıı asýynda qar jaýǵanyn málimdedi, dep habarlaıdy Qamshy.kz aqparat agenttigi QazAqparatqa silteme jasaı otyryp. Oblys turǵyndary áleýmettik jeliler arqyly aımaqtaǵy qar kórinisterimen de bólisti. Qazgıdromet resmı túrde qar jaýatyny tirkelmegendigin habarlady.
«Bizdiń málimetterimiz boıynsha, Zyrán aýdanynda túnde plús jeti gradýs boldy. Alaıda, taýlarda qar jaýatyndyǵy týraly málimetter bolǵan joq», - dedi Qazgıdromet mamandary.
Buǵan deıin sınoptıkter SHQO-da aýa raıy -3 gradýsqa deıin tómendep, jeldiń jyldamdyǵy sekýndyna 28 metrge deıin kúsheıetindigin habarlaǵan bolatyn. 12-13 qyrkúıek kúnderi qatty sýyq bolatyndyǵy eskertildi.
