Astana qalasy máslıhatynyń kezekti sesıasyna daıyndyq aıasynda halyq qalaýlylary elordanyń ındýstrıaldy aýmaǵyn aralady. Depýttarmen kezdesý barysynda óndirisshiler sheshimin tappaǵan birqatar máselelerdi kóterdi. Bul týraly Qamshy.kz aqparat agenttigi Astana qalasy ákimdiginiń baspasóz qyzmeti málimetine súıenip habarlaıdy.
Astana qalasy máslıhatynyń depýtattary elordanyń ındýstrıaldy aýmaǵynda ornalasqan 4 óndiristik kásiporynǵa bardy. Olar - «Ipek Kagit Central Asia» JSHS turmystyq jáne sanıtarlyq gıgıenalyq qaǵaz ónimin óndirý zaýyty, «Led Solution» JSHS jaryq dıodty ónim shyǵaratyn óndiris zaýyty, «Speselektra» JSHS elektr jabdyǵyn shyǵaratyn zaýyt, «Industrial Company «Zoom» JSHS ulttyq eltańba shyǵaratyn zaýyt.
Astana qalasy máslıhatynyń depýtaty, búdjetti komısıa tóraǵasy Mıras Shekenov atap ótkendeı, óndirisshiler kótergen máseleler júıelilik keıpinde. Ol teńgeniń kýrsyna qatysty. Oǵan qosa jylytý boıynsha másele bar.
-Málim bolǵandaı, ındýstrıaldy aımaq aýmaǵynda 60-tan astam joba iske asyrylýda. Meniń biliýimshe, búginde olardyń 42-i jumys isteıdi. Biz 4 kásiporynǵa bardyq. Óndirisshiler kótergen máseleler júıeli túrde bolyp turady eken. Ol shıkizattyń shet elden satyp alynatynyna baılanysty, teńgeniń kýrsyna qatysty másele bar. Onymen birge jylytýǵa qatysty másele áli sheshimin tapqan joq. Bul másele depýttarmen máslıhattyń otyrysynda birneshe ret kóterilgen bolatyn. Qazir bul máseleni biz qaıta máslıhattyń kezekti sesıasynda kóteretin bolamyz. Indýstrıaldy aýmaq damyǵan, JES da osy jerde, degenmen jylý joq. Bul máseleni sheshýde jumys isteý kerek, ınvestorlar úshin joba qyzyqty bolý úshin eńbektený qajet, - dedi Mıras Shekenov.
Oǵan qosa kezdesý barysynda óndirisshiler ónimdi satýda kezdesetin keıbir máseleler jóninde aıtty. Máselen,turmystyq jáne sanıtarlyq gıgıenalyq qaǵaz ónimin óndiretin zaýyttyń óz baǵasyna ónimdi satýda problemasy bar.
– «Ipec Kagit Central Asia» JSHS-niń ónimdi óz baǵasyna satýda problemalar bar. Búginde olar tolyq qýattylyqqa shyǵa almaı otyr. Kásiporyn jylyna 3500 tonna ónim óndiredi, degenmen olar jylyna bul kórsetkishti eselep, qýattylyqty 16 000 tonnaǵa deıin arttyra alady. «Speselektra» óndirisine qatysty, bizdiń jobalar burynǵy tehnologıa boıynsha jumys isteıdi. Eski tehnologıa boıynsha jumys isteýde kóp ýaqyt ketedi, - dep atap ótti máslıhat depýtattary.
Óndirisshiler kótergen barlyq máseleler óńirlik ınvestısıalyq saıasatty iske asyrý jáne ınvestısıany tartýda strategıany qalyptastyrý boıynsha atqarýshy organnyń jumysyna arnalǵan máslıhattyń kezekti sesıasynda qarastyrylady.
Aıta keteıik, Astana qalasy máslıhatynyń depýtattary elordanyń birqatar óndiristik kásipornyna barady.
