Oqıǵa Lermontov pen 1 mamyr kósheleriniń qıylysqan tusynda boldy. Birneshe kýágerdiń aıtýynsha, jetkinshek tramvaıdyń astyna ózi baryp túsken. Bul týraly Qamshy.kz aqparata agenttigi pavon.kz-ke silteme berip habarlaıdy. 

Qazirgi ýaqytta balanyń jaǵdaıy jaqsy. Oqıǵa 21 qyrkúıek kúni saǵat 19.41 shamasynda bolǵan. Tramvaı Lermontov kóshesine qaraı jyljyp kele jatqan. Aıaldamaǵa ondaǵan metr jetpeı, 11-12 jas shamasyndaǵy jetkinshek  vagonnyń astynda qaldy. 

Ótip bara jatqan jigit ony shyǵaryp almaq bolǵanda, bala etbetinen jatyp alǵan, – deıdi oqıǵa kýágerleri. Aıtýlarynsha, balany qutqarmaq bolǵan jigit TJM-de isteıdi eken. Ol balany shyǵaryp alyp, qyrynan jatqyzǵan. Tramvaı basqarmasyndaǵylardyń habarlaýynsha, №5 tramvaı júrgizýshisi Lermontov aıaldamasyna 50 metr jetpeı, balany baıqap vagondy birden tejegen. Belgili bolǵandaı, jedel járdem shaqyrylyp, ony Oblystyq balalar aýrýhanasyna jetkizgen.