Astanada 27-29 qazan aralyǵynda qazaq kúresinen 40 memlekettiń qatysýymen álem chempıonaty ótedi,- dep Qamshy.kz aqparat agenttigi QazAqparatqa silteme jasaı otyryp jazady.

«Qazaq kúresi halyqaralyq federasıasynyń» málimetinshe, elimizdiń ulttyq oıynyna álemniń túkpir-túkpirinen 40 memlekettiń sportshylary qatysady. Olardyń qatarynda AQSH, Qytaı, Avstralıa, Úndistan, Lıtva, Reseı, Belgıa, Kamerýn bastaǵan elderdiń eń tańdaýly balýandary bar. Qazaq kúresi ejelgi sport túrlerine jatady. Búgingi tańda onyń kún ótken saıyn tanymaldyǵy artyp keledi. Tipti, qazaq kúresi túrli toı men saltanatty is-sharalarda ótkizilip júr. 2016 jyldan bastap IýNESKO ony materıaldyq emes mádenı mura tizimine engizgen. Chempıonat 8 salmaq dárejesi jáne absolúttik dáreje boıynsha ótedi.   27 qazanda «Han shatyr» oıyn-saýyq ortalyǵynda sportshylardyń salmaq ólsheý jáne jerebe tastaý rásimi ótse, 28-29 qazan kúnderi «Barys-Arena» muzaıdyny saraıynda jarys ótedi. Birinshiliktiń alǵashqy kúni sportshylar 55, 90, 100 jáne +100 kelide beldesse, ekinshi kúni 60, 66, 74, 82 jáne absolúttik salmaq dárejesi boıynsha myqtylar anyqtalmaq. Aıta keteıik, «Qazaq kúresi halyqaralyq federasıasy» ZTB 2017 jyldyń 24 naýryzynda Astana qalasynyń Ádilet departamentinde tirkelgen. 2017 jylǵy aqpanda 35 memleket ókilderiniń qatysýymen Astana qalasynda ótken Qazaq kúresi halyqaralyq federasıasynyń Kongresinde federasıa jumysy nyqtalyp, prezıdenti retinde Qanat Bozymbaev taǵaıyndalǵan bolatyn.