Namys degen óte bıik, bıik shyń,

Sezimińdi nápsimenen tyıypsyń,

Mahabbatsyz otan quryp adasyp,

Ómirińniń altyn qunyn qıypsyń.

Jas ómiriń ylań bolyp jat elde,

Bolashaǵyń qalyp tur-aý qaterde,

Qazaq bolyp ózge ultty tańdasań,

Óshersiń-aý – saqta muny qaperde!

Tektiliktiń tas qaınaǵan mekeni –

Qazaqstan ár qazaqqa jetedi,

Jer jannaty – týǵan myna ólkeden

Teksiz, epsiz, essiz qyzdar ketedi.

Mal-dúnıe – baqyttyń shyn quny emes,

Baılyq úshin ketkenderi syr emes.

Bastysy, ol týǵan eldiń tórinde

Júrmegen soń, baqyt degen qur eles.

Eı, qarakóz qyzdarym-aı ádemi,

Tektilikti saqtasańyz káni edi,

Talaı-talaı qazaqtyń júr jigiti,

Júregińniń tóri – arman, álegi.

Mańǵazdanyp muzdaı bolyp qatqansha,

Toqaly bol qazaq jigit jar alsa.

Óz kógińde bulyt bolyp qalqyǵyn,

Ózge aspanda aıdaı enip batqansha.

Shaqyrsa da qıyr shyǵys, qıyr shyń,

Sen elińniń et bólshegi túıirsiń,

Ulty uly rýhy bıik elimniń

Qazaq qyzy qazaǵyma buıyrsyn!

Jasmın Ashımova