Qazaqstanda aqparattyq tehnologıaǵa (IT) negizdelgen joǵarǵy oqý ornyn qurý týraly usynys tastaldy.

Sıfrly  ekonomıka mamandaryn daıyndaý men olardyń biliktiligin jetildirý jónindegi  QR Úkimet otyrysynda Erlan Saǵadıev Astanada aqparattyq tehnologıaǵa (IT)negizdelgen joǵarǵy oqý ornyn qurý jóninde usynysyn aıtty,-dep habarlaıdy Qamshy.kz aqparattyq agenttigi.

«Granttardy kóbeıtemiz jáne baǵdarlamalardy jańartamyz. Astanada múmkindiginshe sheteldik JOO-men seriktes bolatyn úlken  IT joǵarǵy oqý ornyn ashýymyz kerek»– dedi ol.

Tek IT joǵarǵy oqý orny ǵana emes jańa pedagogıkalyq jáne medısınalyq oqý ornyn ashý kerek.

«Bizge pedagogıkalyq jáne medısınalyq oqý oryndary qajet. Astanada joǵarǵy oqý oryndary jáne IT mamandary jetkiliksiz. Premer-mınıstrdiń orynbasary Erbolat Asqarbekulynyń tapsyrmasy bar, ony biz júıeli túrde oryndap kelemiz»,-dedi mınıstr.

Saǵadıevtyń aıtýynsha, IT oqý ornyn IT-habtardyń ornyna qoldanýǵa bolar edi. Bul IT mamandardy qaıtadan Qazaqstanǵa qaıtarý úshin iske asyrylýy kerek.