«Asyl arna» teleradıokompanıasynyń qyzmetkerleri bir kúndik jalaqysyn «Ýaqyp» korporatıvtik qaıyrymdylyq qoryna» aýdardy, — dep habarlaıdy Qamshy.kz aqparat agenttigi.

«Ýaqyp» korporatıvtik qaıyrymdylyq qory — bul Qazaqstandaǵy túrli áleýmettik jobalardy qoldaýmen aınalysatyn uıym. Onyń qyzmeti dástúrli qundylyqtar men rýhanı sharalardy qoldaýǵa, áleýmettik jobalardy, bilim berý baǵytyndaǵy tárbıelik is-sharalardy qarjylandyrýǵa, sondaı-aq, din qyzmetkerleriniń jumysynyń tıimdiligin arttyrýǵa jáne dinı ınstıtýttardyń jumysyna qoldaý kórsetýge baǵyttalǵan. Sonymen qatar, qorǵa túsken qarajat kómekke zárý, meıirimge muqtaj jandarǵa qaıyrymdylyq kórsetýge jumsalady.

Sondyqtan «Asyl arna» telearnasynyń ujymy da osy ıgi iske alǵashqylardyń biri bolyp at salysýǵa nıet bildirip, bir kúndik jalaqysyn aýdardy. «Asyl arna» teleradıokompanıasynyń basshysy Muhamedjan Tazabek myrzanyń aıtýy boıynsha, bul ıgi iske, bir jaǵynan, Azamattyq qoǵam jáne din isteri mınıstri Nurlan Ermekbaev myrzanyń da amaly túrtki bolǵan. Arna basshysy ártúrli áleýmettik jobalardyń iske asýyna jaǵdaı jasaıtyn mundaı múmkindikke eshkimniń beı-jaı qaramaıtynyn aıta kele, memleket múddesin kózdegen ıgi bastamaǵa qoldaý kórsetý — árbir azamattyń mindeti ekenin atap ótti.