Qyrǵyzstannyń burynǵy bas prokýrory Aıda Salánova qyzmettik babyn asyra paıdalanǵany úshin bes jylǵa sottaldy, - dep habarlaıdy  Qamshy.kz aqparat agenttigi Spýtnık Qyrǵyzstan málimetine súıenip.

2016 jyly jeltoqsanda Qyrǵyzstannyń Bas prokýratýrasynyń baspasóz qyzmeti Salánovaǵa qatysty "qyzmettik babyn asyra paıdalanǵan" degen kúdikpen qylmystyq is qozǵalǵany týraly habarlaǵan edi. Ol kezde Salánova Ádilet mınıstri mindetin atqarýshy bolyp qyzmet etip júrgen. 2010 jyly burynǵy el prezıdenti bolǵan Qurmanbek Bakıevtiń ulynyń jaqtastarynyń biri bolǵan, izdeýde júrgen Alekseı Elıseevtiń advokattyq lısenzıasyn qaıta qalpyna keltirip bergen.

"Burynǵy Bas prokýror Aıda Salánova Bishkek qalasyndaǵy Lenın aýdandyq sotynyń sheshimimen bes jylǵa bas bostandyǵynan aıyryldy", - delingen habarlamada.

Sot Salánovany túrmege jabýmen qatar múlkin tárkileýge de úkim shyǵarǵan. Alaıda jaza 14 jyldan soń óz kúshine enedi, sebebi onyń 2015 jyly týǵan sábıi bar.