Mogadıshoda bolǵan jarylystyń saldarynan qaza tapqandardyń sany 276-ǵa jetti, al 300 adam aýyr jaraqat alǵan. Bul jaıynda aqparat mınıstri Abdırahman Osman málimdedi, dep habarlaıdy Qamshy.kz aqparat agenttigi Rıa novostı saıtyna silteme jasap.

Senbi kúni jarylǵysh zat toly júk kóligi Mogadısho kósheleriniń birinde adam kóp júretin jerde jarylǵan bolatyn. Saldarynan 231 adam qaza taýyp, 245-i aýyr jaraqattandy dep habarlanǵan bolatyn.

«Qazirgi ýaqytta qaza tapqan adamdardyń sany 276-ǵa jetip, 300 adam aýyr jaraqat alǵandyǵy belgili boldy. Shabýyldy «Ash-SHabab» terrorıster toby uıymdastyrǵan», - dep jazady mınıstr óziniń áleýmettik jelidegi paraqshasynda.

Sonymen qatar, eshbir terorıstik uıym atalmysh oqıǵany óz jaýapkershiligine almaǵandyǵy belgili boldy.

Mınıstrdiń aıtýynsha, Djıbýtı, Efıopıa jáne Kenıa memleketteri aýyr jaraqattanǵandarǵa medısınalyq kómek kórsetýdi usynǵan. Sonymen qatar, Ankara Somalı bıliginiń jaraqat alǵandardy Túrkıaǵa emdeýge jiberý týraly ótinishine jaýap bergen.