Májilis Tóraǵasy Nurlan Nyǵmatýlın Sankt-Peterborda álemdik parlamenttik qaýymdastyqty Elbasymyzdyń kontrterrorıstik bastamalaryn qoldaýǵa shaqyrdy dep habarlaıdy Qamshy.kz aqparat agenttigi.
Beıbit suhbatty ilgeriletýge baǵyttalǵan kúsh-jigerdi biriktirý úshin álemniń 160-tan asa elinen parlamentshiler jınaldy.
Qazaqstan men Memleket basshysy N.Nazarbaevtyń aımaqtyq jáne jahandyq qaýipsizdikti nyǵaıtýdaǵy usynystary týraly Parlament Májilisiniń Tóraǵasy N. Nyǵmatýlın Tavrıa saraıynda ótken Parlamentaralyq Odaqtyń 137-shi Assambleıasyna sóılegen sózinde aıtty.
"Qazaqstan Prezıdenti Nursultan Nazarbaev 2015 jyly Nú-Iorkte BUU Bas Assambleıasynyń 70-sessıasynda Birikken Ulttar Uıymy uranymen terorızmge qarsy ǵalamdyq koalısıany qurýǵa baǵyttalǵan halyqaralyq terorızmge qarsy is-qımyl jónindegi birqatar bastamalar usyndy.
Biz Parlamentaralyq odaqqa múshe-memleketter parlamentindegi áriptesterimizdi Qazaqtan Prezıdentiniń Birikken Ulttar Uıymynyń aıasynda «Terorızmnen azat álemge qol jetkizý jónindegi minez-qulyq Kodeskin» ázirleý jáne qabyldaý týraly bastamasyn qoldaýǵa shaqyramyz.
Bul HHİ ǵasyrdyń eń qaýipti qaterleriniń biri terorızmge qarsy kúreste álemdik parlamentaralyq qaýymdastyqtyń salmaqty úlesi bolady dep senemin", - dedi N.Nyǵmatýlın.
Sondaı-aq, Májilis Tóraǵasy Qazaqstanda qalyptasqan jáne tabysty damyp kele jatqan konfesıaaralyq jáne etnıkaaralyq únqatysýdyń biregeı modeli týraly áńgimeledi.
Onyń basty qaǵıdattarynyń qatarynda N.Nyǵmatýlın etno-konfessıalyq múddelerdi iske asyrýda elimizdiń barlyq azamattary úshin
konstıtýsıalyq jáne quqyqtyq qamtamasyz etýdegi teń múmkindikter týraly aıtty.
Qazaqstannyń etnıkalyq toptarynyń mádenıeti men tilderin damytýǵa, ultaralyq kelisimniń tıimdi ınstıtýttaryn qalyptastyrýǵa, sondaı-aq dinaralyq dıalogqa baǵyttalǵan maqsatty memlekettik saıasatty da atap ótti.
Májilis Tóraǵasy elimizegi etnosaralyq qatynastardy úılestirýdiń biregeı ınstıtýtyna aınalǵan Qazaqstan halqy Assambleıasy týraly aıta kele Assambleıanyń BUU, IýNESKO jáne EQYU-da alǵan joǵary baǵasyn atap ótti.
Májilis Tóraǵasy jahandaný jaǵdaıynda jáne mádenıetaralyq qarym-qatynastarda ulttyq mádenıetterdi saqtaý salasyndaǵy elimizdiń jetistikteri týraly, sondaı-aq Parlamentaralyq Odaqtyń basqa da múshe memleketteriniń osy saladaǵy oń tájirıbesin atap ótti.
Parlamentaralyq odaq - 1889 jyly qurylǵan eń kóne halyqaralyq parlamenttik uıym bolyp tabylady. Búgingi kúni parlamentshiler 173 el men 11 parlamentaralyq uıymdardy biriktiredi. Óz damý tarıhynda PAO parlamentarızmniń damýyna, adam quqyqtaryn saqtaýǵa, halyqaralyq beıbitshilikti ornatýǵa jáne halyqaralyq qaýipsizdikti saqtaýǵa yqpal etedi.
Parlamentaralyq Odaqtyń 137-shi Assambleıasynyń negizgi oqıǵalarynyń biri «Demokratıa týraly jalpyǵa ortaq deklarasıasynyń 20 jyldyǵy: bizdiń alýan túrliligimizdiń ortaqtyǵy» týraly qarary boldy.
