«Maǵan bir sheteldik kásipker kelip Babanovqa qoldaý kórset dep 20 mln dollar qarajat usyndy», - dep málimdedi Almazbek Atambaev. Bul jaıynda Qamshy.kz aqparat agenttigi For.kg saıtyna silteme jasaı otyryp habarlaıdy.

«Men tek shyndyqty aıtyp úırengenmin. Sondyqtan da, Ómirbek Babanovty Qyrǵyz eliniń prezıdentine laıyqty adam dep tanyǵanmyn. Men ony 2005 jyldan beri tanımyn. Meniń áıelim men Babanovtyń áıeli bir-birimen apaly-sińili sekildi aralasady, óte jaqyn qurbylar. Men 2007 jyly premer-mınıstr bolyp taǵaıyndalǵannan soń ol meniń úıimde kóp ýaqytyn ótkizetin. Al men bul qyzmetten ketkennen soń, Babanov 3 jylǵa joǵalyp ketti. Sóıtip 2010 jyly qaıtadan paıda boldy, ol adamdarmen tez til tabysyp, ózine baýraı alady. Shynymdy aıtar bolsam, 2010 jyly men oǵan kóp kómektesip, birshama máselelerin sheship bergen bolatynmyn. Ashyǵyn aıtaıyn, Ómirbek Babanov maǵan sement zaýytyna qatysty Reseıge 15 mlrd soma qaryz máselesimen kelgen kezinde ony Dmıtrıı Medvedev arqyly sheship berdim, qujattar bar», - deıdi Almazbek Atambaev.

Onyń aıtýynsha, eki otbasy bir-birimen óte jaqsy qarym-qatynasta bolǵan. Bul jaǵdaı 1,5 aı buryn múlde ózgerip ketipti.

«1,5 aı buryn kenetten Babanov maǵan kúıe jaǵa bastady, ol meni «abı» dep ataıtyn, bul sóz túrik tilinen aýdarǵanda aǵa degen maǵynany bildiredi. Meniń jolymdy qýamyn dep júrgen Babanov múldem ózgerip, basqa baǵytqa qaraı buryla bastady. Sosyn bir sheteldik kásipker keoip maǵan Babanovqa qoldaý kórsetsin dep 20 mln dollar usynyp otyr. Men bul álemde satyp alýǵa bolmaıtyn zattar bar ekenin aıttym. Men kóp aldanamyn, óte sengish adammyn jáne Qyrǵyz halqy da dál men sekildi», - deıdi ol.

«Alaıda eshkimge de meni jáne  meniń halqymnyń namysyn taptaýǵa, ony satýǵa jol bermeımin», - dep kesip aıtty Atambaev.