Aýa raıynyń uzaq merzimdi boljamdar basqarmasynyń basshysy Gúlmıra Akısheva, qarasha jaýyn-shashyndy jáne jeldi, tańǵy jáne túngi saǵattarda tuman basyp, muz qubylystary kútiletini týraly baıandady, dep jazady Qamshy.kz aqparat agenttigi Qazgıdromet málimetine súıenip.
Aıdyń ekinshi jartysynda eldiń soltústigi, shyǵysy jáne ortalyǵynda jel kúsheıip, boran soǵyp, qar kútiledi. Aı boıy sýytýdyń úsh tolqyny - aıdyń birinshi, ekinshi jáne úshinshi onkúndikterinde kútiledi, árqaısysy aldyndaǵydan qarqyndyraq bolady.
Uzaq merzimdi boljamdarǵa sáıkes Qazaqstanda qys erte jáne qarly bolmaq. Gıdrometortalyǵynyń dırektory Marına Shmıdt atap aıtqandaı, qarashanyń sońynda sezilerlik aıaz kútiledi: «Qarasha aıynyń sońynda-aq Qazaqstannyń soltústik jartysynda túnde aýa temperatýrasy túnde 30 gradýsqa deıin, kúndiz 15 gradýsqa deıin aıaz kútiledi. Ońtústik jartysynda túnde mınýs 15 gradýsqa deıin, kúndiz 5 gradýsqa deıin aıaz kútiledi».
Turaqty qar jamylǵysynyń qalyptasýy:
Qazaqstannyń soltústiginde, shyǵysy men ortalyǵynda – qarashanyń ortasynda;
Qazaqstannyń ońtústigi men batysynda – jeltoqsannyń ekinshi jartysynda kútiledi.
Sınoptıkterdiń uzaq merzimdi boljamyna sáıkes jeltoqsanda arktıkalyq teńiz aýdandarynan sýyq aýa massasynyń jıi enýinen respýblıkanyń shyǵys jartysynda sýyq jáne qarly, al batys jartysynda jyly aýa massasynyń shyǵýynan - jyly (normadan 1°S joǵary) jáne az qarly aýa raıy kútilýde.
2018 jylǵy qańtar Azıalyq antısıklonynyń yqpalynan, az qarly jáne sýyq bolady. Eldiń kóp bóliginde temperatýralyq fon kópjyldyq ortasha mánnen 1…2°S tómen bolady dep boljanady. Tek bizdiń respýblıkanyń batys jáne shetki ońtústik aımaqtarynda temperatýralyq fon normaǵa jýyq bolady dep kútilýde. Aı ishindegi jaýyn-shashyn mólsheri batysta, ońtústiktiń, ońtústik-shyǵys pen shyǵystyń taýly jáne taý bókteri aýdandarynda normaǵa jýyq kútiledi.
Aqpanda mol qar jaýyp, qatty jel men boran kútilýde. Osy rette bizdiń Respýblıkanyń soltústik-batys jartysynda últrapolárlyq sýyq aýa massalarynyń enýimen birqalypty aıazdy, aýa temperatýrasy klımattyq normadan 1…2°S tómen aýa-raıy kútilýde, al elimizdiń ońtústik-shyǵys jartysynda ońtústik sıklondardyń jıi shyǵýymen temperatýralyq fon klımattyq normaǵa jýyq bolady dep kútilýde.
Kúntizbelik kóktemniń bastalýy qubylmaly bolady: naǵyz qysqy jıi jaýyn-shashyndy, qatty jeldi kúnder kóktemgi jyly jáne ashyq kúndermen almasyp turatyn bolady
Aýanyń ortasha temperatýrasy naýryzda normadan 1°S joǵary ońtústik-batysta jáne eldiń ońtústiginde, qalǵan aýmaqta – klımattyq mánge jýyq bolady dep kútiledi.
Jaýyn-shashyn mólsheri batysta, soltústikte, shyǵys pen ońtústik-shyǵystyń taýly jáne taý bókteri aýdandarynda normadan joǵary, qalǵan aýmaqta – normaǵa jýyq bolady dep boljanady.
2017 jylǵy qarasha - 2018 jylǵy naýryz aralyǵyna arnalǵan aýa raıy boljamy TJ qyzmetine jáne jergilikti atqarýshy organdaryna qys aralyǵyna daıyndyq úshin joldanǵan bolatyn.
Spıkerler atap ótkendeı, maýsymdyq boljam 60% dáleldilikpen konsýltasıalyq sıpatta berilip otyr, ol keıinnen aılyq, onkúndiktik aýa raıy boljamdarymen jáne osydan qysqa merzimdi boljamdarmen naqtylanatyn bolady.
