KHDR ıadrolyq qarýǵa tolyq tyıym salý týraly ıdeıany qoldaıdy, alaıda olar AQSH ıelik etip otyrǵan kezde óz arsenalyn saqtap qalýǵa nıetti. Bul jaıynda BUU-da Soltústik Koreıa ókili Kım In Ren málimdedi, dep habarlaıdy Qamshy.kz aqparat agenttigi Rıa novostı saıtyna silteme jasap. Sonymen qatar, ol ıadrolyq soǵystyń kez kelgen ýaqytta bastalyp ketýi múmkin ekendigin aıtty.
BUU-nyń jalpy jınalysynda dıplomat ıadrolyq qarýǵa tolyq tyıym salý týraly shilde Konvensıasyna qoldaý bildirip, bul qujatqa Vashıngtonnyń qarsy ekendigin aıtyp ótti.
«KHDR ıadrolyq qarýdyń tolyq joıylýyn jáne búkil álemniń ıadrolyq qarýy joıýǵa baǵyttalǵan kúsh-jigerin dáıekti túrde qoldaıdy. Alaıda AQSH KHDR-ny ıadrolyq qarýmen qorqytyp, shabýly jasap otyr jáne de olar ıadrolyq qarýǵa tyıym salý týraly qujatty teriske shyǵaryp otyrǵandyqtan Soltústik Koreıa bul kelisimge qosylmaıdy», - deıdi ol.
Dıplomattyń aıtýynsha, Phenándaǵy ıadrolyq qarý men balıstıkalyq zymyrandar ózderin qorǵaı úshin saqtap otyrǵan qarý ekendigi málim bolǵan. «Álemde eshbir memleket AQSH tarapynan uzaq ýaqyt boıy mundaı qysym men ıadrolyq qarýmen qorqytýlarǵa tap bolmaǵan. Soltústik Koreıadaǵy jaǵdaı ábden tıtyqtalyp, óz shegine jetip, sondyqtan da ıadrolyq soǵys kez kelgen ýaqytta bastalyp ketýi múmkin», - dep qosa aıtyp ótti dıplomat.
«AQSH tarapy tóndirip otyrǵan qaýip pen soǵys órti tutanýy múmkin sebepter tolyǵymen joıylmaǵansha, biz ózimizdiń balıstıkalyq zymyrandarymyz ben ıadrolyq qarýymyzǵa baılanysty eshqandaı da kelisimsharttar júrgizbeımiz jáne eshqashan da ózimiz tańdaǵan joldan taıynbaımyz», - deıdi Kım In Ren. Onyń aıtýynsha, osy jyly KHDR «elderdiń ıadrolyq kúshterin qalyptastyrýdaǵy sońǵy kezeńdi ótti», endi KHDR atom bombasy, sý tegi bombasy jáne kontınentaralyq zymyrandardy tasymaldaýdyń túrli tásilderine ıe boldy.
«AQSH-tyń barlyq aýmaǵy bizdiń zymyrandardyń aımaǵynda jáne eger de AQSH bizdiń jerimizge kishkentaı bolsyn qaýip tóndiretin bolsa, bizdiń qatań jazamyzdan qashyp qutyla almaıdy», - dep senimi túrde aıtty dıplomat.
