Kúni keshe Shymkent qalasynyń ákimi Ǵabdolla Abdrahımov óz qaramaǵyndaǵy sheneýnikterge bir aı boıy jumysqa kelip-ketkende qoǵamdyq kóliktermen ǵana júrýdi tapsyrǵan edi. Bul sheshimdi ákim qyzmetkerleriniń qala turǵyndary kóretin qıyndyqty óz bastarynan ótkizý úshin qabyldaǵan bolatyn,- dep habarlaıdy Qamshy.kz aqparat agenttigi.
Ákimniń bul sheshimin jergilikti basshylyq zor qulshynyspen qabyldap, búginnen bastap tapsyrmany oryndaýǵa kiristi. Ózderiniń shynynda da qoǵamdyq kólikpen jol júrgenderin dáleldeý maqsatynda estelik selfıler jasady.
Esterińizge sala keteıik, bul tapsyrma ákimniń ózine de tikeleı qatysty. Sheneýnikterdiń basty maqsaty qoǵamdyq kólikterde júrip qana qoımaı, onda oryn alyp jatqan barlyq zań buzýshylyqty jazyp otyrý.
