«Áziret Sultan» memlekettik tarıhı-mádenı qoryq-mýzeıinde memlekettik tildiń latyn álipbıine kóshý jóninde túsindirme jumystary boıynsha zıaly qaýym ókilderimen basqosý ótti, dep habarlaıdy Qamshy.kz aqparat agenttigi.

Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyrylǵan basqosýǵa Túrkistan qalalyq mádenıet jáne tilderdi damytý bóliminiń meńgerýshisi J.Ibragımov, qalalyq tilderdi oqytý jáne damytý ortalyǵynyń dırektory S.Saýranbaev, aqsaqaldar alqasynyń múshesi Respýlıkalyq «Mereıli otbasy» baıqaýynyń bas júldegeri E.Bımaǵanbetuly, Q.A. Iasaýı atyndaǵy Halyqaralyq qazaq-túrik ýnıversıtetiniń profesory, fılologıa ǵylymdarynyń doktory S.Sadyqov, fılologıa ǵylymynyń kandıdaty proffesor QR Memlekettik jastar syılyǵynyń laýreaty B.Serdáli, Túrkistan qalasyndaǵy Ahyska Túrikteri etno-mádenı ortalyǵynyń tóraǵasy H.Alıev, Qolóner ortalyǵynyń dırektory J.Baıdaýletov, Ahmet Iasaýı atyndaǵy Halyqaralyq qazaq-túrik ýnıversıteti Arheologıa ǵylymı zertteý ınstıtýty dırektory K.Jetibaev, QR mádenıet qaıratkeri, «Jastar syılyǵynyń» laýreaty, ánshi-sazger S.Eleýov, aqyn Z.Erkebolaev, «Názir Tórequlov» mýzeıiniń dırektory D.Kerimbekova, zıaly qaýym ókilderi, mýzeı qyzmetkerleri, sondaı-aq, BAQ ókilderi qatysty. 

«Mádenıet jáne tilderdi damytý» bóliminiń meńgerýshisi J.Ibragımov latyn álipbıi Elbasymyzdyń «Bolashaqqa baǵdar: rýhanı jańǵyrý» atty maqalasy aıasynda talqylanyp jatqan eń bir keleli máselelerdiń biri ekendigin atap ótti.

Q.A. Iasaýı atyndaǵy Halyqaralyq qazaq-túrik ýnıversıtetiniń profesory, fıl.ǵ.d. B.Serdáli óz tarapynan, latyn álipbıi el bolashaǵyna úlken úles qosary anyq ekenin jáne qazirgi tańdaǵy jastar stýdentter tarapy qoldaıtynyn jetkizdi. 

Basqosýda Túrkistandyq jastar atynan sóz alǵan Qazaqstan Jýrnalıser Odaǵynyń múshesi Aqmaral Ǵanıqyzy latyn álipbıine kóshý arqyly kóregen kóshbasshynyń ozyq oıly ıdeıasyna úles qosatyndyǵyn jetkizdi.

Jıynda sóz sóılegen zıaly qaýym ókilderi, álipbıdiń jobasy týraly oı-pikirlerin ortaǵa salyp keleli oılaryn aıtyp, tyń bastamaǵa biraýyzdan qoldaý bildirdi. 

Jıyndy qoryta kele, qoryq-mýzeı dırektory Nurbolat Ahmetjanov «Latyn álipbıine kóshý arqyly ult muratynyń jańa bir beleske órleýine, túrki tildes halyqtardyń ózara til baılanysynyń artýyna, jańa zaman talabyna saı óskeleń urpaqtarymyzdyń aǵylshyn tilin meńgerýine zor múmkindik týady. Sondyqtan Elbasynyń til máselesine qatysty oı tolǵamyna ynta jigerimizben qoldaý bildirý – búgingi tańda kezek kúttirmeıtin másele» - dep sózin qorytyndylady.