Qazaqstan prezıdenti Nursultan Nazarbaev Qyrǵyzstan prezıdenttigine kandıdat Sooronbaı Jeenbekovti prezıdent bolyp saılanýymen quttyqtap, jedelhat joldady dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.
Nazarbaev Jeenbekov basqaratyn Qyrǵyzstannyń jańa tabystarǵa jetetinine senim bildirdi.
«Men Qazaqstan men Qyrǵyzstan arasyndaǵy ózara yntymaqtastyqqa qurylǵan qarym-qatynastyń budan ary da eki el ıgili úshin damı beretinine senimdimin. Sizge jaýapkershilik júkteletin memlekettik qyzmette densaýlyq jáne tabys, al baýyrlas qyrǵyz halqyna ashyq aspan jáne amandyq tileımin» delingen jedelhatta.
Eske sala keteıik Sooronbaı Jeenbekov 15 qazanda ótken prezıdent saılaýynda 54 paıyzdan astam daýys jınady. Onyń basty qarsylasy Omýrbek Babanov saılaýshylardyń 34 paıyzǵa jýyq daýsyn ıelendi.
