Qazaqstanda áskerıler, ishki ister organdarynyń qyzmetkerleri men depýtattardyń eńbekaqysyn kóterýge 2017 jyly 33,1 mıllıard teńge qarastyryldy. Bul týraly qarjy mınıstri Baqyt Sultanov málimdedi, - dep habarlaıdy Qamshy.kz aqparat agenttigi Tengrinews.kz saıtyna silteme jasap.
Mınıstr baıandamada respýblıkalyq búdjettiń 2017 jylǵy shyǵyny 11 trıllıon 191,5 mıllıard teńge, bul naqtylanǵan jospardan 15,1 mıllıardqa kóp.
"Búdjettiń shyǵyndyq bóliginiń ózgerýi eki baǵytta júrdi. Birinshisi - Elbasynyń bastamalary men tapsyrmalaryn jáne halyqaralyq mindetterdi iske asyrýǵa 89,4 mıllıard teńge. Bul úkimet qory men kiristi arttyrý esebinen júredi. Áskerıler, quqyq qorǵaý organdarynyń qyzmetkerleri men depýtattardyń eńbekaqysyn kóterýge 33,1 mıllıard teńge qarastyrylǵan", - deıdi Sultanov úkimet otyrysynda.
Onyń sózinshe, "Nazarbaev Ýnıversıtetiniń" maqsatty salymyn ulǵaıtý úshin 22,2 mıllıard teńge bólinedi. Sonymen birge, EXPO aýmaǵynda kórmeden keıingi sharalar men keńselerdi daıarlaýǵa 20 mıllıard teńge qarastyryldy.
