«Astana» halyqaralyq qarjy ortalyǵy
EHRO 2017 murasyn kórmeden keıin paıdalaný boıynsha negizgi baǵyttardyń biri – «Astana» halyqaralyq qarjy ortalyǵyn (AHQO) qurý. Ol aǵylshyn quqyǵy qaǵıdalaryna negizdelip, jeńildigi bar salyq tártibi men táýelsiz qarjy sotyna ıe bolady. «Astana» halyqaralyq qarjy ortalyǵy Qazaqstannyń qarjy ınfraqurylymynyń ózegine aınalyp, búkil Ortalyq Azıa óńiriniń qarjylyq haby bolmaq. Bul týraly Qamshy.kz aqparat agenttigi 24.kz-ke súıene otyryp jazady.
Bilim berý ortalyǵy
«Job World» – «Adam resýrstaryn damytý boıynsha bilim berý ortalyǵy» – álemniń (Ońtústik Koreıa, AQSH) úzdik tájirıbeleri boıynsha jumys isteıdi. Joba jasóspirimderge joǵary tehnologıaly salalardaǵy mamandyqtardy tańdaýǵa kómektesedi, sondaı-aq kásibı daǵdylarǵa mashyqtap, olardy shynaıy ómirde qoldanýǵa úıretedi. Ortalyqtyń urany – «Armanda jáne iske asyr».
Kórme kesheni
Kórme kesheni jumysynda EHRO 2017-niń biregeı tájirıbesi, yńǵaıly kólik-logıstıkalyq ınfraqurylymy jáne kásibı qyzmetkerleri negizge alynady. Mádenı jáne iskerlik sharalar Kongres-Ortalyǵy men Energıa Holynda ǵana emes, Kórme kesheninde de ótkiziletin bolady.
IT-tehnoparki
Halyqaralyq IT-tehnoparki IT-ındýstrıasy salasynyń mamandary men ınvestorlaryn tartýǵa arnalǵan Qazaqstandaǵy alǵashqy básekege qabiletti alań qurýǵa múmkindik beredi. Onda startaptarǵa jáne álem moıyndaǵan «oıynshylarǵa» arnalǵan ınovasıalyq ekojúıe qarastyrylǵan. Bolashaqta Qazaqstandaǵy IT-tehnoparki Ortalyq Azıadaǵy joǵary tehnologıalardyń generatory bola alady.
Jasyl tehnologıalar ortalyǵy
Jasyl tehnologıalar men ınvestısıalyq jobalardy damytý boıynsha halyqaralyq ortalyqty qurý ıdeıasyn QR Prezıdenti N. Nazarbaev BUU Bas assambleıasynda aıtqan bolatyn. Bul Ortalyq jasyl tehnologıalar, ınovasıalar men álemdik deńgeıdegi tehnologıalar transfertin ázirleý men engizý boıynsha halyqaralyq habqa aınalady.
Energıa Holy
Energıa Holy resmı jáne arnaıy is-sharalardy ótkizý orny retinde paıdalynylady. Kórme kesheni aýmaǵynda ornalasqan ǵımarattyń zaly 868 kórermenge arnalǵan. Energıa Holynda «The Great Gatsby ballet» qoıylymy, «Artıs» kınokonserti, «Jazzia» festıvali, «The Spirit of Tengri», «Magic of Nomads» jáne t.b. álemdik deńgeıdegi sharalar ótti.
«Nur Álem» pavılony
«Nur Álem» – álem boıynsha sfera pishindi jalǵyz ǵımarat, onyń dıametri 80 m quraıdy. «Nur Álem» pavılony – qurylymy biregeı jáne elektr energıasyn óndirý tehnologıasy aıryqsha nysan, sondaı-aq «Bolashaq energıasy» ǵımaratynyń minsiz úlgisi. Nysannyń birinshi qabatynda Qazaqstannyń ulttyq pavılony ornalassa, 2-8 qabattary energıanyń alýan túrin pash etýge arnaldy. Endi EHRO 2017 negizgi nysany murajaı retinde esigin aıqara ashady. Kongres-ortalyǵy Bul nysan aýqymdy mádenı jáne iskerlik sharalardy ótkizýge arnalǵan Qazaqstandaǵy eń iri jáne kópfýnksıonaldy ǵımarat. Onda álem memleketteriniń basshylary qatysqan EHRO 2017 kórmesiniń ashylý jáne jabylý saltanaty ótkizilgen bolatyn.
Kongres-ortalyǵy
Bul nysan aýqymdy mádenı jáne iskerlik sharalardy ótkizýge arnalǵan Qazaqstandaǵy eń iri jáne kópfýnksıonaldy ǵımarat. Onda álem memleketteriniń basshylary qatysqan EHRO 2017 kórmesiniń ashylý jáne jabylý saltanaty ótkizilgen bolatyn. Kongres-ortalyǵy halyqaralyq konferensıalar, sımpozıýmdar, qoıylymdar, konsertter men resmı is-sharalar ótkizýge yńǵaıly. Kongres-ortalyǵyna 3500 adam syıady.
Art-ortalyǵy
Art-ortalyǵy zamanaýı óner salasyndaǵy tyń ıdeıalar men dıskýrstardy zertteýge baǵyttalǵan. Onyń negizgi eki mindeti – ónerge baýlý jáne bilim berý.
