Búgin Almaty qalasynda Qytaıdaǵy qazaqtardyń Qazaqstanǵa barǵandyǵy úshin qýdalanyp, tergelip, sottalýyna baılanysty baspasóz-maslıhaty ótti, — dep habarlaıdy Qamshy.kz aqparat agenttigi. Baspasóz-maslıhatyna saıasattanýshy Rasýl Jumaly,  qoǵam belsendileri Marat Toqashbaı pen Qydyráli Orazuly qatysty. Sonymen birge baspasóz-maslıhatyna Qytaıda sottalǵan qazaqtardyń týystary da qatysyp, mán-jaıdy baıandap berdi.

Baspasóz-maslıhatyna qatysýshylardyń sózine súıensek, Qytaı elinde  qazaqstandyq azamattyǵy bar, Qazaqstanda turatyn  qazaqtardyń týystary belgisiz sebeppen sottalyp, qýdalanýda. Al Qytaı eli bolsa  isti bolǵan qazaqtar qandaı qylmys jasaǵandyǵy týraly naqty aqparat bermeı otyr.

 Baspasóz-maslıhatynyń negizgi maqsaty — Qazaqstan úkimetine osy máseleni jetkizý, arasha suraý. Aıta ketetin bolsaq, Rasýl Jumaly eger osy másele sheshilmeıtin bolsa belsendiler men jábirlenýshiler jınalyp Halyqaralyq Sotqa shaǵymdanatynyn aıtyp ótti.

Eske sala ketetin bolsaq, aldaǵy ýaqytta Qytaı elinde quryltaı ótetin bolady. Osy quryltaı kezinde atalǵan másele oń sheshimin tabatynyna senimimiz mol.