Sheshenstan prezıdenti Ramzan Qadyrov eki kúnge Ózbekstanǵa keldi dep habarlaıdy Qamshy.kz aqparat agenttigi. Onyń ushaǵy 16-shy qazanda Islam Kárimov atyndaǵy áýejaıǵa qondy.

Qadyrov birneshe meshitke bardy. Ózbekstan prezıdenti Shavkat Mırzıeevpen kezdesti. Ákesi, Sheshenstannyń tuńǵysh prezıdenti Ahmat Qadyrov oqyǵan Tashkent Islam ınstıtýtyna bardy.

Qadyrov Islam Kárimovtyń qabirine barǵany týraly aqparat bar.

Ramzan Qadyrov óziniń Instagram paraqshasynda Ózbekstanǵa saparynan alǵan áserimen bólisti.

«Tashkentte kútpegen kezdesý boldy. Kóshede beıtanys áıeldiń atymdy atap shaqyrǵanyn estidim. Birden toqtadym da, beıtanys áıelge jaqyndadym. Ol Tashkentte týyp, ósken sheshen eken. Anasy oǵan ana tilin úıretkenine rıza boldym» dep jazdy Ramzan Qadyrov.

Sheshenstan prezıdenti Halıfa Osmannyń quranyn kórý týraly armany oryndalǵanyn aıtady.