Kentaý ákiminiń orynbasary Berik Qynatov 3,5 mıllıon teńge para alyp jatqan jerinen ustaldy, dep habarlaıdy Qamshy.kz Ońtústik Qazaqstan oblysy boıynsha sybaılas jemqorlyqqa qarsy Ulttyq búro departamenti málimetine súıenip.
"Óz qyzmetin asyra paıdalanyp, ákimdikke esep beretin kásiporynǵa jetekshilik etip, "Turǵyn úı- komýnaldyq sharýashylyq modernızasıasy - 2020" baǵdarlamasy aıasynda turǵyn úılerge kúrdeli jóndeý júrgizgen merdiger uıymdardyń múddelerin zańsyz qorǵady", - dep habarlady departament basshysynyń orynbasary Ábilqasym Jorabekov.
16 qazanda Berik Qynatov 3,5 mıllıon teńge para alyp jatqan jerinen ustalyp, Túrkistan İİB ýaqytsha tergeý ızolátoryna jabyldy.
