Atyraý qalasynda quqyq qorǵaý ortalyǵy ashyldy dep habarlaıdy Qamshy.kz aqparat agenttigi.

Oblys prokýrory Ernat Sybanqulovtyń aıtýynsha, buryn azamattar ártúrli kómekti izdeýde qalanyń bir shetinen ekinshi shetine barýǵa týra keletin, qazir, olaı júrýdiń qajetti joq, kerekti qurylymdardyń ókilderi bir ǵımaratta ornalasatyn bolady.
Ortalyqta bilikti zańgerler, advokattar, medıatorlar, sot oryndaýshylar, notarıýstar, ıývenaldy qyzmet jáne probasıa qyzmetkerleri jumys jasaıdy. Prokýrorlar da bul jerde ótinishterdi qabyldaıdy, keńester, azamattarǵa máselelerdi sheshý úshin keńester beredi.
Ortalyq oblystyń árbir turǵyny kómekke júgine alatyn bolady.
Árkim bilikti zań kómegin alýǵa quqyly. Biz azamattarǵa qajetti, qolaıly jaǵdaı jasaýǵa tyrysýdamyz – dep atap ótti oblys prokýrory. 

Qazir osy ispen qosa oblys prokýratýrasynyń janynnan azamattardy qabyldaý ortalyǵyn ashý josparlanýda. Jaqynda oblys prokýratýrasynda azamattardy qabyldaýǵa jańa jaǵdaılar jasaımyz. 5 ınstıtýsıonaldy reforma boıynsha Elbasynyń Ult Jospary 100 naqty qadam baǵdarlamasyn iske asyrý sheńberinde biz azamattardyń quqyqtarynyń qorǵaý sapasyn jaqsartýdamyz. Basty maqsattarymyzdyń biri quqyq qorǵaý organdaryna halyqtyń senimin arttyrý – dep qorytyndylady oblys prokýrory.

Ortalyqtyń birinshi jumys kúni oblys prokýrory azamattardy ártúrli máseleler boıynsha qabyldap, jedel sheshimin tapty.

Ortalyqtyń ashylýynda oblys ákimi Nurlan Noǵaev qatysyp, oblys turǵyndary úshin ortalyqtyń ashylýynyń mańyzdylyǵyn atap ótti, ortalyqtyń jumysymen tanysyp, prokýratýra ujymyna jáne ortalyq qyzmetkerlerine jumysta sáttilik tiledi.