Qazir Semeı qalasynda ótetin sherýge qyzý daıyndyq jumystary júrýde, dep habarlaıdy Qamshy.kz aqparat agenttigi Caravan.kz saıtyna silteme jasap.

Ony jergilikti partıa ókilderi uıymdastyrýda. Qoǵam belsendisi Maıra Ábenovnyń aıtýynsha, jergilikti bılik beıbit sherýdi ótkizýge óz ruqsatyn bergen kórinedi. Ony Semeı qalasy ákimdiginiń ishki saıasat basqarmasy bastyǵy Aıdar Serikqazyuly da rastady.

«Semeı qalasynyń atqarýshy bıligi mıtıń ótkizýge kelisim berdi. Biz qalanyń ortalyq alańyn suraǵan edik, biraq bizge basqa jerdi berdi. Endi sherý Semeıdiń «Polkovnıchıı» degen aralynda «Ólimnen de myqty» degen eskertikish janynda ótedi», - dedi Maıra Ábenova.

Semeı bıligi ortalyq alańda qurylys jumystary júrip jatqandyqtan aralda ótkizýdi usynypty. Al ótetin mıtıńide eldi qos búıirden qysyp bara jatqan qymbatshylyq máselesi men áleýmettik taqyryp sóz bolmaq. Partıa múshesiniń aıtýynsha, Semeıde ásirese benzın tapshylyǵy men kómir máselesi halyqqa aýyr tıýde.

«Bári qymbat, kómir tapshylyǵy jylda qys mezgilinde qaıtalanady. Bul únemi qoldan jasalady. Jylý kerek bolǵan soń qymbat bolsa da alasyń, amal qansha»,- dedi M. Ábenova.

Qoǵam belsendileri elimizdiń barlyq qalalarynda mıtıń ótkizýdi josparlaǵan. Áıtsede, tek Semeı qalasynda ǵana bılik tarapynan ruqsat berilipti. Partıa ókilderi bılik tómengi halyqtyń muń zaryn estýi tıis. Azamattar óz pikrin aıtýǵa quqyly, al saıası sharanyń eshqandaı qaýpi joq, dep sendirip otyr.