Almatyda qoqys suryptaý kesheniniń qurylysy bastaldy. Búgin qala basshysy Baýyrjan Baıbek nysan qurylysy barysymen tanysty.
Jańa nysan eýropalyq jabdyqtarmen jabdyqtalady. Ekonomıkalyq esepteýlerge sáıkes, kompanıanyń óndiristik qýaty Almaty qalasynyń qajettiligin tolyǵymen óteıdi.
Qaldyq suryptaý kesheniniń qurylysy «Green Recycle» JSHS jeke ınvestısıasy esebinen júzege asyrylady.
Suryptaý barysynda qaıta paıdalanýǵa jaramdy komponentter tańdalady.
Jylyna 550 myń tonna qoqys óńdeıtin zaýyt 2018 jyldyń jazynda paıdalanýǵa berilmek.
Almaty ákiminiń aıtýynsha, tutastaı alǵanda qaldyqtardy suryptaý kesheniniń paıda bolýy ónerkásiptiń damýyna serpin beredi jáne qaladaǵy ekologıalyq jaǵdaıdy jaqsartady.
«Memleket basshysy qala ekologıasy máselesine erekshe nazar aýdarady. Almaty qalasynyń damý boıynsha sońǵy kezdesýinde Memleket basshysy qoqys problemasyn júıeli túrde sheshý, ony keshendi óńdeýdi jáne paıdalanýdyń tolyq sıklin qamtamasyz etý qajettigin atap ótti. Zaýyttyń qurylysy biz úshin basym joba bolyp tabylady, bul EKSPO-2017 maqsattary men mindetterine sáıkes keletin mańyzdy baǵyt. Qazir biz birinshi kezekte qoqysty iriktep, odan keıin ony qaıta óńdeýge múmkindik beretin júıeni quryp jatyrmyz», - dedi qala ákimi.
Almaty qalasynyń ákimi jumys saparynyń aıasynda Alataý aýdanynda ornalasqan Indýstrıaldy aımaqtyń jumysyn tekserdi. Búgingi tańda Indýstrıaldy aımaqta jalpy quny 191 mlrd teńge bolatyn 40 joba tirkeldi. Qala ákimdigimen ındýstrıaldy aımaqtardy jańa jobalarmen toltyrýdy arttyrý boıynsha jumystar júrgizip jatyr.
Qaldyqtardy suryptaý kesheniniń qurylysy «Green Recycle» JSHS jeke ınvestısıalary esebinen júzege asyrylady. Suryptaý úrdisi barysynda qaıta paıdalanýǵa jaramdy komponentter tańdalady.
Jylyna 550 myń tonna qýaty bar zaýyt 2018 jyldyń jazynda paıdalanýǵa beriledi dep josparlanýda.
Almaty ákiminiń aıtýynsha, tutastaı alǵanda qaldyqtardy suryptaý kesheniniń paıda bolýy ónerkásiptiń damýyna serpin beredi jáne megapolıstegi ekologıalyq jaǵdaıdy jaqsartady.
«Green Recycle» JSHS dırektory Dmıtrıı Danılchenkonyń aıtýynsha, suryptaý kezinde paıdaly quramdar ekinshi ret qoldanýǵa iriktelip alynady, al jaramsyz materıaldar polıgonda kómiledi.
Atalmysh áleýmettik mańyzy bar joba jeke eseptiń qarjysyna júzege asyrylady: ınvestısıa kólemi 5,3 mlrd teńgeni qurady. Aldyn ala esep boıynsha qoqys suryptaý kesheniniń shyǵynyn 2025 jylǵa deıin óteý josparlanǵan. Jyl saıyn memlekettik búdjetke túsim 500 mln teńgeni quraıtyn bolady. Jobany júzege asyrý 600 jańa jumys ornyn ashýǵa múmkindik beredi.
