AQSH bıligi Rakhaın shtatynda «adam quqyqtarynyń buzylýyna» baılanysty Mánmaǵa qarsy sanksıalar engizýi múmkin, dep Qamshy.kz aqparat agenttigi Baq.kz saıtyna silteme jasap habarlaıdy.

«Biz jaýapkershilikke tartý mehanızmderin zerttep jatyrmyz. Ol AQSH zańnamasy, onyń ishinde maqsatty engiziletin ǵalamdyq sanksıany Magnıttik zań joba negizinde qarastyramyz», - delingen AQSH-tyń memlekettik departamenti taratqan habarlamada.

Sonymen qatar, atalmysh departament Mánma úkimeti men onyń qarýly kúshteri shuǵyl túrde eldegi beıbitshilik pen qaýipsizdik saqtaý úshin tıisti sharalardy júrgizýi qajet.

Sondaı-aq, AQSH-tyń memlekettik departamenti Mánma áskerlerine kómekti shektegenin atap ótti.

Esterińizge sala keteıik, osyǵan deıin osy jyldyń tamyz aıynyń sońynda «Arakan rohındjalaryn qutqarý armıasynyń» (ARSA) birneshe polısıa ýchaskesi men áskerı bazaǵa shabýyl jasaǵanyn, bul jaǵdaıdy odan ári ýshyqtyryp jibergenin jazǵan bolatynbyz. Osy árekettiń saldarynan Mánma áskerleri men býddıst eriktileri rohındja halqyn aıaýsyz qyryp, Rakhaın shtatyndaǵy aýyldardy órtep jibergen.