El arasynda Tuńǵyshbaı Qadyruly Jamanqulovqa berilgen Jambyl oblysynyń qurmetti azamaty ataǵynyń alynyp tastalǵany týraly habar tarady.  Atalǵan aqparattyń  ras-ótirigin anyqtaý úshin redaksıamyzǵa habarlasýshylardyń da qatary kóbeıdi.  Atalǵan istiń mán-jaıyn anyqtaý úshin Qamshy.kz aqparat agenttiginiń tilshisi Jambyl oblysy ákimine resmı saýal joldady. Saýalǵa Jambyl oblysy ákimi apparatynyń basshysy jaýap berdi (hat qosymsha retinde berildi)

«Tuńǵyshbaı Qadyruly Jamanqulovqa 2006 jyly Jambyl oblysynyń qurmetti azamaty ataǵy berildi.

Almaty qalasy Medeý aýdanynyń №2 qalalyq sotynyń Tuńǵyshbaı Qadyruly Jamanqulovqa qatysty shyqqan úkim negizinde Jambyl oblystyq máslıhatynyń 2013 jylǵy 27 qyrkúıektegi №17-8 sheshimimen bekitilgen «Jambyl oblysynyń (qalanyń, aýdanynyń) qurmetti azamaty» ataǵyn berý qaǵıdalarynyń 5 tarmaǵyna sáıkes qylmys jasaǵany úshin sottyń aıyptaý úkimi zańdy kúshine enýine baılanysty Jambyl oblystyq máslıhatynyń aǵymdaǵy jyldyń 6 qazandaǵy 15-13 sheshimimen «Jambyl oblysynyń qurmetti azamaty» ataǵynan aıyryldy» delingen habarlamada.