«Áleýmettik jáne shyǵarmashylyq bastamalar jónindegi «Kerekti kadrlar» qory» 24 qazanda Almaty qalasynda dóńgelek ústel uıymdastyrdy,-dep jazady Qamshy.kz aqparat agenttigi. Bul otyrysta birneshe ózekti máseleler talqylanǵan bolatyn: Elbasyna usynylǵan qazaq tiliniń jańa álipbıi, onyń ózektiligi men damý keleshegi, jańa jobaǵa til mamandary, fılologtar men tildi zertteýshi mamandardyń berer baǵasy men olardyń usynystary.
Keńes músheleri, sarapshylar atalǵan taqyrypta óz pikirlerin bildirdi. Qoǵamdyq keńes múshesi Qazybek Shaıh jańa álipbıdi jasaýǵa ketetin qarjynyń bosqa dalaǵa shashylmaı, el ekonomıkasynda qalatynyn aıtty. «Sońǵy aılarda latyn álipbıine qatysty kóp pikir aıtylyp jatyr. Ásirese, bul búdjetke tompaq keledi degen sóz kóp. Biraq men aıtar edim, bul argýment syn kótermeıdi. Sebebi, álipbıdi aýystyrýǵa biz dollar jumsamaımyz, teńge jumsaımyz. Teńgeni ózimiz jasaımyz. Bul aqshaǵa myńdaǵan jumys oryndary ashylady, kitaptar qaıta basylyp, qala attary, karta ataýlary ózgertiledi. Munyń bári óz otandastarymyzdyń ıgiligine jumys jasaıdy», - dedi Q.Shaıh. Ekonomısiń aıtýynsha, qazirgi zamannyń adamy aqparattyń 80 paıyzyn ınternetten alady.
— Pulatova Zamyra (@PZamyra) October 24, 2017
«Sondyqtan, osy ýaqytqa deıingi bilim qory qurdymǵa ketedi degen bos sóz. Qazir mundaı kitaptardyń elektrondy nusqasy klavıatýranyń bir ǵana belgisin basý arqyly daıyn bolady», - dedi ol.
Esterińizge sala keteıik, latyn álipbıine tolyq kóship bitý 2025 jylǵa deıin aıaqtalýy kerek. 2018 jyldyń 1 qańtaryna deıin jańa álipbıdiń nusqasy bekitilip, latyndandyrý jumystary qarqyndy júrgiziletin bolady.
«Elbasyna usynylǵan sońǵy latyn álipbıiniń nusqasy áli de ózgertiledi»,- A.Baıtursynuly atyndaǵy Til bilimi ınstıtýty dırektorynyń orynbasary Sansyzsyzbaı Mádıev myrza. Onyń aıtýynsha, jańa álipbıge tolyqtyrýlar men túzetýler jasaǵysy kelgen árbir qazaqstandyq Til bilimi ınstıtýtyna óz usynys hattaryn joldaı alady.
Pikir qaldyrý